عبدالغفار نادم
اصل ناں عبدالغفار
تخلص نادمؔ
ڄمݨ 1965ء
تعلیم ایم اے (اردو)
پیشہ ٹیچر
فون نمبر 03005267973
جاہ پتہ اݙا ہری مائنر تحصیل میلسی ضلع وہاڑی
عبدالغفار نادمؔ 15فروری 1965ء کوں حاجی ملک غلام حسین راں دے گھر پیدا تھئے ۔ تعلیم مکمل کر کے عملی زندگی دا آغاز محکمہ تعلیم اچ معلم دی حیثیت نال کیتا۔1989ء کنوں شاعری کریندے پئین ۔ݙو کتاباں ’’ہجر دے پندھ‘‘ تے ’’مونجھی دلڑی‘‘زیرِ ترتیب ہن ۔جتھوں تک نادمؔ دی غزل دا تعلق ہے تاں رواں بحراں وچ خوبصورت غزل لکھدن۔نمونہ کلام حاضر ہے۔
(1)غزل
[لکھو | ماخذ وچ تبدیلی کرو]تیݙے ٻاجھوں ٻیا سوہݨاں نہیں کائنات ساری وچ
میں قیدی تھی ڳیاں دلبر تیݙی زلفاں دی ڳاری وچ
میݙا دل کیݙا اڑیل ہے کوئی وی ڳالھ نئیں سُݨدا
میݙی تاں زندگی ایویں گزر ڳئی مغز ماری وچ
میݙا کیا جرم ہے وچھڑݨ دی کیوں ݙیندیں سزا میکوں
ݙسا کیا فرق آیا ہے تیݙی خدمت گزاری وچ
مخل تھیندی نہیں کئی شئے اوندی پرواز وچ ہرگز
طلب داݨے دی پکھی کوں پھہا ݙیندی ہے ڳاری وچ
کیویں نادمؔ ݙساواں حال دل اپنبْے دا میں تیکوں
میکوں ہک شخص کملا کر ݙتا ہے اپݨی یاری وچ
(2)غزل
[لکھو | ماخذ وچ تبدیلی کرو]اے سچیاں دلیں وچ ونڈارے نئیں ہوندے
ونڈارے جے ہوون گزارے نئیں ہوندے
چھوڑیندے نئیں جیڑھے سچائی دا رستہ
انہاںدا مقدر اندھارے نئیں ہوندے
سوہݨی وانگ کچّے تے ترݨاں وی پوندے
کنارے تے کھڑ کے نظارے نئیں ہوندے
خدا دی حقیقت ہے کہیں کہیں کوں لبھدی
نصیباں والے سائیں سارے نئیں ہوندے
خریدار مجرم تے منصف وکاؤ ہن
اِتھاں کوڑ سچ دے نتارے نئیں ہوندے
؎نادمؔ جتھاں ساکوں ملدا ہا سانول
او جاہیں تے ٻیلے ٻہوں یاد آندن
٭٭٭