عبدالعزیز خاطرؔ
اصل ناں عبدالعزیز
تخلص خاطرؔ
جمن 1953ء
تعلیم پرائمری
پیشہ حجام
فون نمبر 03409601638
جاہ پتہ وستی ریکڑہ ڈاکخانہ غوث آبادضلع ڈیرہ غازیخان
(1)غزل
[لکھو | ماخذ وچ تبدیلی کرو]
اندھارے دے اندھے کھوہ اچ ضیاء کوں گولناں پئے گئے
جفا تے جَور دے دور اچ وفاکوں گولناں پئے گئے
مرن جیون اساڈا جو اوندی مرضی تے موقوفے
مرن جیون کیتے اوندی رضاکوں گولناں پئے گئے
ہزاراں ڈوہ اساں وچ ہن مگر اوندا کوئی ڈوہ نئیں
اساکوں بے خطائی وچ خطاکوں گولناں پئے گئے
ایں نفرت دے حبس دے وچ جو جی ماندا ہا تہوں ساکوں
محبت دے زمانے دی ہوا کوں کوں گولناں پئے گئے
اے مندر تے مسیتاں چھان ماریاں ہن اساں خاطرؔ
اساکوں اپنے اندر دے خداکوں گولناں پئے گئے
_____________________________
ساڈے اکھیاںدا چاندن ہے فقط تئیں ڈھول دا چہرہ
کڈی دیدار بخشا کر ساڈی اکھ دی غذا کیتے
ایہو ارمان ہے سانول تیکوں نئیں پا سگے توڑے
اساں خود کوں وی خود کولوں تیڈی خاطرؔ جدا کیتے
________________________
میڈی تحریر دا ہر لفظ رو رو تے زباں منگدے
ایہا حسرت ہے ڈیکھاں ہا کڈی مسکار لفظیں دا
سجن لفظیں دی خاطرؔ تاں تیکوں محبوب جوڑیا ہم
جڈاں بہہ تے میں لکھدا ں لگ ویندے انبار لفظیں دا
٭٭٭