عبدالرزاق زاہد

اصل ناں       عبدالرزاق

تخلص          زاہدؔ

جٖمنْ           1984ء

تعلیم          ایف اے

پیشہ           زمیندارہ

فون نمبر        0301 7958799

جاہ پتہ         ٻیٹ انگڑا ،ڈاکخانہ سنانواں تحصیل کوٹ ادو ضلع مظفر ڳڑھ

شعری مجموعہ ’’ݙوانڳلیں اسمان‘‘خدا دی وستی،، دے خالق عبدالرزاق زاہد ؔ دا تعلق پٹھانے خان دی دھرتی کوٹ ادو نال ہے عبدالرزاق زااہدؔ کوں اللہ تعالٰی نے ڈھیر خوبیاں توں نوازیا ہے، اوہ بیک وقت  شاعر،نثر نگار ، فلم ساز ، ادا کار ، مدعاء ایہ جو ہر فن مولا ہے۔ادبی حوالے نال’’ احمد خان طارق سرائیکی ادبی سنگت‘‘ پاکستان سرائیکی رائٹرز فورم،، تے ’’ الطارق‘‘ میگزین دا سلسلہ مستقل مزاجی نال ٹوری پئے۔جتھوں تک عبدالرزاق زاہدؔ دی شخصیت دا تعلق ہے تاں اوہ یاریں دا یار ٻیلی تے اپنْی ذات وچ ہک انجمن ہے ،اوندے دوست احباب دا حلقہ احباب ٻہوں وسیع ہے۔ نمونہ کلام۔

غزل

باد شاہویں دے نال نئیں ٹُردا

نیک نانویں دے نال نئیں ٹُردا

میں بھرانویں توں ڈھیر سوہنْاں ہاں

میں بھرانویں دے نال نئیں ٹُردا

میں قبیلے دا پہلا باغی ہاں

میں خداویں دے نال نئیں ٹُردا

اے پچھانواں میݙے پچھوں ہوندے

میں پچھانویں دے نال نئیں ٹُردا

توڑے زاہدؔ ہاں رند طبیعت ہے

پارسانویں دے نال نئیں ٹُردا