عبدالخالق سرمد

اصل ناں       عبدالخالق

تخلص          سرمدؔ

ڄمݨ           1977ء

تعلیم          ایف اے

پیشہ           صحافت

فون نمبر        0300 7802123

جاہ پتہ         موضع مخدوم پور اوچ شریف ضلع بہاولپور

’’پیار پینگھاں‘‘دے خالق سرمدؔ دے بارے ساجد حسن درانی لکھدن جو’’سرمدؔ دا درد چھڑا سرمدؔ دا درد ای نہیں رہندا بلکہ قاری کوں اپݨاں درد محسوس تھیندے۔ کھیر دھوتے سچے جذبیاں کوں لفظاں دی اجرک ویڑھ تے سرمد ؔ نے نہ صرف سرائیکی زبان دی خدمت دا حق ادا کیتے، بلکہ میں سمجھداں جو ایہ ہک قرض تے فرض ادا کیتے‘‘سرمدؔ دی غزل دا نمونہ حاضر ہے۔

غزل

تیݙے ناں تے ہردم وکاندا ریہا ہاں

تیݙے پیار دے گیت ڳاندا ریہا ہاں

کریندا ہاں میں یاد پل پل تہاکوں

تہاکوں وی کیا یاد آندا ریہا ہاں؟

تیݙی یاد کیتا ہے بے چین ݙاڈھا

تیݙے ہجر وچ ݙاڈھا ماندا ریہا ہاں

نہ سکھاں ہے ہرگز کݙاہیں پوند کیتی

نہ دردیں دے کولوں میں واندا ریہا ہاں

جو نیہہ لاتے تئیں بے وفا نال سرمدؔ

میں قیدی ہمیشہ ݙکھاندا ریہا ہاں