عبدالحکیم اُچوی (یوسف زلیخا)
پ:1161ھ ؍1747ء
یوسف زلیخا دے قرانی قصے کوں عبدالحکیم اُچوی نے سب توں پہلے 1218ھ وچ تحریر کیتے ۔ ایں قصے دی بنیاد عشق تے رکھی ڳئی اے۔ حضرت یوسف ؑ دے عشق وچ بی بی زلیخا دی حالت کوں عبدالکیم اُچوی وݙی خوبصورتی اتے سوز و گداز نال پیش کریندن۔
لڳائیاں عشق نے تیݙے چماٹاں
ہجر دی بھاہ توں سینہ ہے براٹاں
آیا وچ خواب دے او یار جانی
جیں لائی ہے پروکی رات کانی
جیڑھے ویلے زلیخا حضرت یوسف ؑ کوں اپݨے دل دیاں ارداساں سُݨویندی اے تاں اتھاں شاعر دا قلم دی جذبات دے کتنے سچے عکس چھکیندا ݙسدے۔
میں ہاں اے دلبرا ماندی تساݙی
ازل دے روز دی باندی تساݙی
میں ہاں اے دلبرا مُٹھی تساݙی
ازل دے روز دی کُٹھی تساݙی
میں ہاں اے دلبرا کملی تساݙی
ازل دے روز دی رملی تساݙی
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان