عبدالحکیم۔ خانیوال دا ہک قصبہ

ضلع خانیوال دا ہک قصبہ ہے۔ اے خانیوال شورکوٹ ریلوے سیکشن تے خانیوال توں 21میل دے فاصلے تے واقع ہے۔ ایندا ناں اتھوں دے صوفی بزرگ حضرت عبدالحکیم (متوفی 1932ء )دے ناں نال مشہور تھیا۔ دریائے راوی ایندے ٻہوں نیڑے واہندے۔ سدھنائی ہیڈ ورکس ونڄݨ کیتے وی اے قصبہ صدر دروازے دی حیثیت رکھدے جیڑھا مشرق اچ تقریباً ݙو میل دی دوری تے ہے۔ اتھاں اَٹا ، کپاہ تے تیل دے کارخانے ہن۔ نواحی دیہات اچ کݨڑک کپاہ تے گنے دی پیداوار تھیندی اے ایں سانگے قصبے کوں منڈی دا درجہ حاصل ہے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء