عباس فانی

اصل ناں       غلام عباس

قلمی ناں       عباس فانی

ڄمݨ           1977ء

تعلیم          مڈل

پیشہ           کارونگ

فون نمبر        0335 7667260

جاہ پتہ         نزد نواں لاری اݙا ڈیرہ غازیخان

غزل

نَفس غلامی ساݙے اندر

ہر ہک خامی ساݙے اندر

جئیں توں قوماں غرق تھیاں ہن

عیب تمامی ساݙے اندر

جیکر آپ کوں آپ سُنڄاݨوں

رومی ، جامی ساݙے اندر

کتھ دفناؤںاتنیاں یاداں

سوڑی سامی ساݙے اندر

کتھوں آندین اتلا ہنجھوں

شیت سونامی ساݙے اندر

تیݙے شعر اِن ڳجھے فانیؔ

رنگ عوامی ساݙے اندر