عایده الکاشف

عایده الکاشف
معلومات شخصیت
پیدائش	17 جولا‎ئی 1988ء (37 سال)  قاہرہ
شہریت	مصر
عملی زندگی
پیشہ	ادکارہ ،  فلم اداکارہ ،  فلمی ہدایت کارہ
مادری زبان	مصری عربی
پیشہ ورانہ زبان	عربی ،  مصری عربی
	IMDB پر صفحہ

عایده الکاشف (انگریزی: Aida El-Kashef) (ولادت: 1988ء) ہِک نسائیت پسند مصری فلم ساز، اداکارہ تے ہدایت کارہ ہِن۔ انّھاں نے شپ آف تھیسس (Ship of Theseus) تے والاد ڈبلو بینٹ (Walad w Bent) وِچ اداکاری کِیتی ہے۔ عایده مختصر فلم اے ٹن ٹیل اینڈ رہاپسوڈی ان اوٹاومن (Tin Tale and Rhapsody in Autumn) دی ہدایتکاری وی کر چُکی ہِن۔ 2014ء وِچ، عایده الکاشف کوں انّھاں دے کردار کِیتے بھارت دا قومی فلم اعزاز برائے بہترین معاون اداکارہ ݙِتا ڳیا۔

حالات زندگی

عایده الکاشف تحریر چوک تے تھیوݨ والے مظاہریاں وِچ شامل ہَن، جِتّھاں اِنّھاں نے عرب بہار دے واقعات کوں فلمایا ہئی۔ اوہ تحریر تے قبضہ کرݨ والیاں پہلی مظاہرین وِچ شامل ہَن تے اُتّھاں اِنّھاں نے خیمہ لایا ہئی۔ الکاشف نے اپݨی ذاتی حفاظت کوں خطرے وِچ ڈال کے "زنانیاں دے خلاف جارحانہ حملےآں" دے بارے وِچ وی دستاویزات پیش کر چُکی ہِن۔ الکاشف دیاں 'مرداں دے زنانیاں تے جنسی زیادتی کرݨ والیاں فِلماں' کوں دُنیا بھر وِچ ݙکھایا ڳیا۔

عایده نے نومبر 2015ء وِچ، اپݨی پہلی دستاویزی فلم کوں تیار کرݨ کِیتے کُجھ پیسے جمع کرݨ شروع کِیتا، جو مصر وِچ گھریلو زیادتی دے موضوع نال نمٹݨ والی ہِک فلم ہئی۔ دستاویزی فلم دی ڈے آئی ایٹ فش (The Day I Ate The Fish) وِچ، عایده نے کئی شادیاں دیاں معلومات جمع کِیتیاں جِتّھاں ہِک زنانی نے اپݨے شریک حیات دا قتل کر ݙِتّا ہئی۔