عامر قادری

عامر قادری سرائیکی قوم دا ہک دانشور سوجھواݨ تے سیاسی شعور رکھݨ آلا نینگر ہے.

نعت گو شاعر وی ہے، نعتاں دی کتاب چھپ چکی ہے.

سرائیکستان دی سیاست  بارے انہاں دی  ہک اہم کتاب

مقدمہ سرائیکی صوبہ

(سرائیکی صوبے دی آئینی تے جغرافیائی ضرورت) آوݨ آلی ہے.

بیرسٹر عامر قادری سرائیکی سیاسی سوچ رکھݨ آلا ہک ایڈووکیٹ وی ہے۔ نظریہ سرائیکستان تے یقین رکھدے تے اینکوں عملی صورت ݙیون دی جدوجہد وچ سرگرم ہے۔

معاشیات دے سبجیکٹ نال تعلق ہووݨ دے نال نال سرائیکی وچ ایم فل وی ہے تے سرائیکی زبان و ادب نال دلی لگاؤ ہے. سرائیکی قوم جتی ہیݨی ہے اوندی کسر اللہ سوہݨے ایں کڈھ ݙتی ہے جو ساکوں عامر قادری جیہا سرائیکی کارکن عطا فرمائیس، ڄہڑا ساݙا مستقبل دا اڳواݨ ہے

محمد عامر قادری ایڈووکیٹ دا شمار منہاج القرآن تے پاکستان عوامی تحریک دے اہم رہنماواں وچ تھیندے۔ محمد عامر قادری ایڈووکیٹ دا تعلق کوٹ ادو نال ہے۔ انہاں شہادت العالمیہ (ایم اے عربی تے اسلامک سائنسز دے برابر) دے نال نال پنجاب یونیورسٹی توں ایم ایس سی اکنامکس تے یونیورسٹی آف لندن توں ایل ایل بی دی ڈگری حاصل کیتی تے پنجاب بار کونسل وچ بطور ایڈووکیٹ رجسٹر تھئے۔

او ہک روشن خیال عالمِ دین، سیاست دان تے ماہرِ قانون ہن۔ انہاں NA.180 توں الیکشن وچ حصہ گھدا۔ شیخ الاسلام ڈاکٹر محمد طاہر القادری کوں انہاں تے خاص اعتماد ہے۔ ایندے علاوہ محمد عامر قادری ایڈووکیٹ سرائیکی شاعر ہووݨ دے نال نال سرائیکی صوبے کیتے وی مزاحمتی، قانونی تے سیاسی جنگ لڑدے نظر آندن۔ انہاں سرائیکی صوبے دی آئینی حیثیت کیتے "مقدمہ سرائیکی صوبہ" دے ناں نال ہک کتاب وی لکھی ہے۔ انہاں دی سرائیکی نعتیہ تے انقلابی شاعری دے علاوہ قرآن، حدیث تے جدید اسلامی مسئلیاں تے وی کتاباں شامل ہن

سرائیکی وسیب دے مستقبل دی نوید: محمد عامر قادری ایڈووکیٹ

سرائیکی وسیب نال تعلق رکھݨ والے عظیم عالمِ دین، سیاستدان، مفکر تے مفسر محمد عامر قادری ایڈووکیٹ دا تعلق کوٹ ادو دی زمیندار سرائیکی فیملی "انگڑا" نال ہے۔

1. ڄم پل تے خاندانی پس منظر

محمد عامر قادری ایڈووکیٹ 09 نومبر 1991 کوں بستی انگڑا (تحصیل تے ضلع کوٹ ادو) وچ پیدا تھئے۔ انہاندے والد محترم امام بخش قادری انگڑا دا شمار علاقے دے منے منائے زمینداراں، مہمان نوازاں تے روحانی نسبت رکھݨ والے لوکاں وچ تھیندا ہئی۔ عامر قادری صاحب دی پیدائش دے ݙو سال بعد انہاندے والد صاحب وفات پا ڳئے ہن۔ تہاݙی والدہ محترمہ "کریماں کوثر قادری" ہک نیک، صالح تے عشقِ رسول ﷺ نال مالامال عظیم خاتون ہن۔ عامر قادری صاحب دے علاوہ انہاندے ترائے ٻئے بھائی وی ہن جیڑھے ݙوجھی والدہ وچوں ہن۔

2. ابتدائی تعلیم

محمد عامر قادری ایڈووکیٹ نے مڈھلی تعلیم حیدرآباد تے کراچی توں حاصل کیتی۔ مڈل کوٹ ادو (پنجاب) توں کیتا، جݙاں جو میٹرک تے ایف ایس سی (پری میڈیکل) لاہور توں مکمل کیتی۔

3. اعلیٰ تعلیم

عامر قادری صاحب نے گریجویشن پنجاب یونیورسٹی لاہور توں کیتی۔ تعلیم دے نال نال ای او "درسِ نظامی" دا مُڈھ ٻدھیا۔ ایں دوران او تحریک منہاج القرآن، منہاج یونیورسٹی تے کالج آف شریعہ اینڈ اسلامک سائنسز لاہور توں بھرپور استفادہ کیتا۔

4. پیشہ ورانہ تعلیم

گریجویشن (BSc) دے بعد عامر قادری صاحب نے یونیورسٹی آف لندن توں LLB Hons دی ڈگری حاصل کیتی تے پنجاب بار کونسل وچ بطور ایڈووکیٹ رجسٹر تھئے۔ ایندے بعد او "شہادت العالمیہ" (ایم اے اسلامک سٹڈیز تے عربی دے مساوی) دے نال M.Phil اسلامک سٹڈیز (کالج آف شریعہ اینڈ اسلامک سائنسز لاہور) توں کیتی تے معاشیات (Economics) وچ پنجاب یونیورسٹی لاہور توں MSc دی ڈگری وی گھدی۔

5. پیشہ تے مشغلہ

اعلیٰ تعلیم مکمل کرݨ دے بعد او بطور وکیل ڈسٹرکٹ کورٹس کوٹ ادو تے مظفر گڑھ وچ وکالت شروع کیتی۔ وکالت دے نال نال او ہک بہترین خطیب، لکھاری تے شاعر وی ہیو۔ عامر قادری صاحب، سرائیکی دے مَنّے ہوئے شاعر شاکر مہروی رحمۃ اللہ علیہ دے چھیکڑی شاگرد وی ہن۔

6. اساتذہ کرام

او وقت دے عظیم اساتذہ توں علم حاصل کیتا، جنہاں وچ:

• علامہ خواجہ محمد اعظم شاہ جمالی، علامہ محمد معراج الاسلام، مفتی احمد میاں برکاتی۔
• شیخ الاسلام ڈاکٹر محمد طاہر القادری تے علامہ ڈاکٹر ابوالخیر محمد زبیر الازہری (علومِ شریعہ وچ)۔
• قانون دے میدان وچ اعجاز احمد گورمانی ایڈووکیٹ، جام شکیب اقبال تے سید نیاز رسول شاہ توں فیض پایا۔

7. تصنیف تے تحقیق

او قرآن پاک دا ترجمہ تے تفسیر "جمال القرآن" دے ناں نال لکھی ہے (ترجمہ چھپݨ کیتے تیار ہے، تفسیر تے کم جاری ہے)۔ تہاݙیاں ٻیاں کتاباں وچ شامل ہن:

• عرفان الفاتحہ، عرفان الکوثر، قرآن اور شانِ رسالت مآب ﷺ۔
• مقدمہ سرائیکی صوبہ (وسیب دی محرومیاں تے ہک دستاویز)۔
• شاعری: انت کیا تھیسی (سرائیکی)، اساں وعدہ وفا کرݨے (سرائیکی) تے جمالِ یار (اردو نعت)۔

8. تحریکِ سرائیکی صوبہ کیتے کوششاں

او ہمیش سرائیکی صوبے دی آواز بلند کیتی۔ پرویز مشرف دی "آل پاکستان مسلم لیگ" تے چوہدری برادران دی "ق لیگ" دے منشور وچ سرائیکی صوبے دا مطالبہ شامل کروایا۔ او پاکستان عوامی تحریک نال جڑے ہوئے ہو جیڑھی نویں صوبیاں دی حامی ہے۔ او پہلے سرائیکی رہنما ہو جنہاں "مقدمہ سرائیکی صوبہ" ورگی آئینی تے جغرافیائی اہمیت والی کتاب لکھی۔

9. سیاسی جدوجہد

او گزریل الیکشن وچ حلقہ این اے-180 کوٹ ادو توں پاکستان عوامی تحریک دے ٹکٹ تے الیکشن لڑیا۔ بھانویں جو جیت نہ سگیو، پر او اج وی سیاسی میدان وچ پرعزم ہو تے وسیب دے حقوق دی جنگ لڑدے پئے ہو۔

10. عزیز داریاں تے سیاسی تعلقات

• ایم کیو ایم دی قیادت (بیرسٹر فروغ نسیم، فاروق ستار، مصطفیٰ کمال) نال تہاݙی قریبی رشتہ داری ہے پر نظریاتی طور تے او انج ہوو۔
• مرحوم ڈاکٹر عامر لیاقت حسین انہاندے خالہ زاد بھائی ہن۔
• سیاسی حوالے نال یوسف رضا گیلانی، اعجاز الحق، فیصل کریم کنڈی، ظہور دھریجہ تے سردار ذوالفقار کھوسہ جیہیاں شخصیات نال انہاندے گہرا تعلقات ہن۔

11. طریقت تے روحانیت

او دربارِ غوث الاعظم (بغداد) دے سجادہ نشین السید الشیخ محمد عفیف الدین گیلانی دے ہتھ تے بیعت کیتی ہے تے سلسلہ قادریہ نال منسلک ہو۔ او پیر السید طاہر علاؤالدین القادری الگیلانی دے صاحبزادگان کوں وی پیر و مرشد دا درجہ ݙیندے ہو تے انہاں نال روحانی رابطہ رکھدے ہو۔

12. القابات:

انہاندے علم تے مہارت دی وجہ توں انہاندے عقیدت مند انہاکوں "استاذ التصوف" اکھیندے ہن۔ لندن دی ڈگری پاروں تہاکوں "بیرسٹر" وی لکھیا ویندے، جݙاں جو علماء دی طرفوں تہاکوں "علامہ" دا خطاب ݙتا ڳئے ہ۔ پی ایچ ڈی مکمل تھیوݨ دے بعد انہادے ناں نال "ڈاکٹر" دا لقب وی شامل تھی ویسی۔