عافیہ صدیقی

عافیہ صدیقی
(اردو وِچ: عافیہ صدیقی‎)
عافیہ صدیقی
معلومات شخصیت
پیدائش	(1972-03-02) مارچ 2, 1972 کراچی، سندھ، پاکستان
شہریت	پاکستانی
قد	5' 4"
وزن	90 پاونڈ (استغاثہ دے ویلے)
پئے دا ناں	امجد محمد خان (1995 – اکتوبر 21, 2002) (طلاق)
اولاد	محمد احمد (پ. 1996); مریم بنت محمد (پ. 1998); اور سلیمان (پ. ستمبر 2002)
عملی حیاتی
مادر علمی	میساچوسٹس انسٹیٹیوٹ برائے ٹیکنالوجی
پیشہ	ماہر علم الاعصاب
الزام و سزا
جرم	قاتلانہ حملہ
ویب سائٹ
ویب سائٹ	باضابطہ ویب سائٹ

ڈاکٹر عافیہ صدیقی پاکستان نال تعلق رکھݨ والی اعصابی سائنس دان ہِن جنّھاں کوں امریکی حکومت نے 2003ء وِچ اغوا کر کے جبراً غیر قانونی طور تے قید کِیتا ہویا ہِے تے اُنّھاں تے مسلسل امریکی خفیہ تے خوفناک ایجنسی سی آئی اے دی جانب توں ظلم تے جبر کِیتا ویندا پیا ہِے۔

جنم

ڈاکٹر عافیہ صدیقی 2 مارچ 1972ء کوں کراچی وِچ پیدا تھئی ہَن۔

تعلیم

8 سال دی عمر تک زیمبیا وِچ تعلیم حاصل کرݨ دے بعد کراچی وِچ ابتدائی تے ثانوی تعلیم مکمل کِیتی۔ اِیں دے بعد بوسٹن، ٹیکساس وِچ جامعہ ٹیکساس وِچ کجھ عرصہ رہیاں پھر اُتھوں توں میساچوسٹس انسٹی ٹیوٹ آف ٹیکنالوجی (MIT) چلی آئیاں تے اِیں ادارے توں وراثیات وِچ ڈاکٹریٹ (Ph.D.) دی سند حاصل کِیتی۔

ملازمت اَتے اغوا

2002ء وِچ پاکستان واپس آئیاں مگر ملازمت نہ مِلݨ دی وجہ نال امریکا ملازمت ڳولݨ دے سلسلے وِچ دورے تے ڳئیاں۔ اِیں دوران میری لینڈ وِچ ڈاک وصول کرݨ کِیتے ڈاک ڈبہ کرائے تے گِھدّا تے 2003ء وِچ کراچی واپس آ ڳئیاں۔ ایف بی آئی نے شک ظاہر کِیتا کہ اِیہ ڈاک ڈبہ دراصل القاعدہ نال تعلق رکھݨ والے کہیں شخص کِیتے کرائے تے گِھدّا ڳیا ہئی۔ امریکی ابلاغ وِچ عافیہ صدیقی دی دہشت گرد دے طور تے تشہیر کِیتی ڳئی۔ اِیہ ݙیکھ کے عافیہ صدیقی کجھ دیر کراچی وِچ روپوش تھی ڳئیاں۔ 30 مارچ 2003ء کوں اپݨے ترئے ٻالاں سمیت راولپنڈی ون٘ڄݨ کِیتے ٹیکسی وِچ ہوائی اڈے دی طرف روانہ تھئیاں مگر راستے توں غائب تھی ڳئیاں۔ بعد وِچ خبراں آئیاں کہ انّھاں کوں امریکیاں نے اغوا کر گِھدّا ہِے۔ اِیں وقت انّھاں دی عمر 30 سال ہئی تے وݙے ٻال دی عمر چار سال تے سبھ توں چھوٹے دی ہک مہینہ ہئی۔ مقامی اخباراں وِچ عافیہ صدیقی دی گرفتاری دی خبر شائع تھئی مگر بعد وِچ وزیراں نے لاعلمی دا اظہار کِیتا تے انّھاں دی والدہ کوں دھمکیاں ݙِتیاں ڳئیاں۔

بحالت قید اذیتاں

عالمی اداریاں نے خیال ظاہر کِیتا کہ افغانستان وِچ امریکی جیل بگرام وِچ قیدی نمبر 650 شاید عافیہ صدیقی ہی ہِن جیڑھیاں اُتھاں بے حد بری حالت وِچ قید ہَن۔ پاکستانی اخباراں وِچ شور مچݨ دے بعد امریکیاں نے اچانک اعلان کِیتا کہ عافیہ صدیقی کوں 27 جولائی 2008ء کوں افغانستان توں گرفتار کر کے نیویارک پُڄا ݙِتا ڳیا ہِے تاکہ انّھاں تے دہشت گردی دے حوالے نال مقدمہ چلایا ون٘ڄ سڳے۔ انسانی حقوق دی تنظیماں نے امریکی کہانی کوں ناقابل یقین قرار ݙِتّا۔ افغانستان وِچ امریکی فوجیاں نے دوران گرفتاری عافیہ صدیقی کوں گولیاں دا نشانہ بݨا کے شدید زخمی کر ݙِتّا، تب امریکی فوجی معالجین نے عافیہ صدیقی دی طبی حالت کوں گلاسگو غشی میزان تے 3 (یعنی مرݨ دے نیڑے) ݙسیا۔ تاہم امریکیاں نے الزام لایا کہ عافیہ صدیقی نے امریکی فوجی دی بندوق چاوݨ دی کوشش کِیتی ہئی جیندے تے انّھاں نے اُنّھاں تے گولیاں چلا ݙِتیاں۔

پرویز مشرف تے عافیہ صدیقی

Federal Medical Center, Carswell, where Siddiqui is currently located

اسلام آباد دی عدالت وِچ ہک درخواست وِچ الزام لایا ڳیا ہِے کہ پرویز مشرف دے دور وِچ ڈاکٹر عافیہ صدیقی کوں ڈالراں دے عوض امریکیاں دے ہتھ فروخت کِیتا ڳیا ہئی۔

رہائی دی کوشش

اگست 2009ء وِچ وزیر اعظم یوسف رضا گیلانی نے ݙسیا کہ حکومت 2 ملین ڈالر ترئے امریکی وکیلاں کوں ݙیسے جیڑھے عافیہ صدیقی کِیتے "امریکی عدالت" وِچ پیشی کرین٘ڳے۔ خیال رہوے کہ لاہور دی عدالت عالیہ نے حکومت کوں اِیہ رقم جاری کرݨ توں منع کِیتا ہئی کیوں جو خدشہ ہئی کہ رقم خُرد برد کر گِھنّی ویسی۔ عدالت وِچ درخواست گزار نے آکھیا ہئی کہ امریکی عدالت توں انصاف دی توقع کائے نِھئی، اِیں سانگے اِیہ پیسے عالمی عدالت انصاف وِچ مقدمہ دائر کر کے خرچ کِیتے ون٘ڄݨ۔

نامعلوم اغوا کنندگان دے خلاف مقدمہ

دسمبر 2009ء وِچ بالآخر کراچی پولیس نے عافیہ صدیقی تے انّھاں دے ٻالاں دے 2003ء وِچ اغوا دا مقدمہ نامعلوم افراد دے خلاف درج کر ݙِتّا۔ 6 سال بعد مقدمہ درج کِیتا ڳیا ہِے۔ (شاباش پاکستان پولیس)۔

جماعت اسلامی دی طرفوں رہائی دا مطالبہ

جماعت اسلامی دے سینیٹر مشتاق احمد خاں دی طرفوں کاوش تے کوشش دیدنی ہِے۔

سزا دا فیصلہ

23 ستمبر 2010ء وِچ نیویارک دی امریکی عدالت نے عافیہ صدیقی کوں 86 سال قید دی سزا سݨائی۔ جون 2013ء وِچ امریکی فوجی زندان فورٹ ورتھ وِچ عافیہ صدیقی تے حملہ کِیتا ڳیا جیندے نال اوہ ݙو ݙینہہ بیہوش رہیاں۔ بالاخر وکیل دی مداخلت تے اُنّھاں کوں طبی امداد ݙِتی ڳئی۔

شادی تے اولاد

1995ء وِچ پاکستانی نژاد امجد محمد خان نال نکاح تھیا۔ 1996ء وِچ ہک پُتر محمد احمد تے 1998ء وِچ ہک دِیہہ مریم پیدا تھئی۔ 2002ء وِچ امجد خان نے طلاق ݙے ݙِتی۔ اپریل 2010ء وِچ گیارہ سالہ دِیہہ جیندے بارے وِچ خیال ہِے کہ اوہ عافیہ صدیقی دے نال لاپتہ تھیوݨ والی ہک دِیہہ ہِے، کوں نامعلوم افراد کراچی وِچ عافیہ صدیقی دی بھیݨ فوزیہ صدیقی دے گھر چھوڑ ڳئے۔