عافیہ سلام

عافیہ سلام
عافیہ سلام
معلومات شخصیت
قومیت	پاکستان
عملی زندگی
مادر علمی	جامعہ کراچی
پیشہ	صحافی
کارہائے نمایاں	پہلی خاتونن کرکٹ صحافی

عافیہ سلام (اردو: عافیہ سلام) ہِک صحافی اَتے پیشے دے لحاظ نال میڈیا ڈویلپمنٹ دی ماہر ہِن۔ اُوہ پاکستانی دے ہوائی ٹریفک کنٹرولرز دے پہلے کھیپ دی ممبر اَتے کولیشن فار ویمن ان جرنلزم (سی ایف ڈبلیو آئی جے) دی رُکن وی رہ چُکی ہِن۔

تعلیم

کراچی دی رہوݨ آلی، عافیہ سلام نے 1970ء وِچ سینٹ جوڈس، کراچی وِچ آپݨی ہائی سکول دی تعلیم پوری کِیتی۔ اُنّھاں نے 1982ء وِچ جامعہ کراچی کنوں جغرافیہ وِچ ماسٹر ڈگری گِھدّی۔

کم کار آلی حیاتی

عافیہ ہِک صحافی ہِن جنّھاں دا پرنٹ، الیکٹرانک اَتے ویب میڈیا وِچ چار ݙہاکیاں کنوں وَدھ دا تجربہ ہِے۔

عافیہ سلام نے صحافت دے میدان وِچ آپݨے کَم کار دا اَغاز 1978ء وِچ انگریزی اَتے اردو وَِچ ہفتہ وار کالم لکھ کے کِیتا ہَئی اَتے پہلی زنانی کرکٹ صحافی بݨ ڳئی۔ آپݨی ماسٹر ڈگری دے وِچالے، اُنّھاں نے 1978ء وِچ صحافت دے میدان وِچ پیر رکّھیا، جہڑیلے اُوہ 13 سال دے وقفے دے بعد پاک بھارت کرکٹ تعلقاں دی تجدید کنوں متاثر تھئی۔

سماجی سرگرمی

عافیہ ہِک سرگرم کارکن وی ہِن جنّھاں نے پاکستان دے ماحولیاتی تبدیلیاں، زنانیاں دے حقوق، میڈیا اخلاقیات اَتے ٻہوں سارے معاشرتی اُمور دی وی حمایت کِیتی ہِے، اُوہ ٻہوں سارے انجو انج این جی اوز دا حِصّہ ہِن جتّھاں اُوہ آب و ہوا دی بدلی اَتے اُون٘دے اثرات کوں دور کرݨ کِیتے کَم کرین٘دی ہِن۔