عاصم بخاری
اصل ناں سید عاصم رضا
قلمی ناں عاصمؔ بخاری
ڄمݨ 1971ء
تعلیم ایم فل اردو
پیشہ تدریس
فون نمبر 0301 6765514
جاہ پتہ پکی شاہ مردان میانوالی
عاصمؔ بخاری بچپن توں علم و ادب نال گہرا تعلق رکھݨ آلے قلم کار ہن، اپݨے علمی ادبی کم دے حوالے نال میانوالی دے شاعراں ادیباں وچ اپݨاں ہک نویکلا مقام بݨا چکے ہن۔اردو تے سرائیکی ݙوہائیں زباناں وچ شاعری تے نثر نگاری کریندن۔خصوصََا تحقیق و تالیف دے میدان اچ آپ دا کم ٻہوں بھرواں ہے۔شاعری تے نثر نگاری وچ آپدیاں کئی کتاباں منظرِ عام تے آ چکیاں ہن۔عاصمؔ بخاری اپݨے تخلیقی تے تحقیقی کم دے اعتراف اچ کئی ادبی تنظیماں تے اداریاں دی طرفوں اسناد تے ایوارڈز وی حاصل کر چکے ہن۔آپ ادبی تنظیم ’’بزمِ ادراک و آگہی‘‘پکی شاہ مردان میانوالی دے صدر ہن،تے اپݨی تنظیم دے ذریعے ادب دی آبیاری تے نویں نسل کوں ادب آلے پاسے راغب کریندے پئین۔نمونہ کلام۔
(1)غزل
[لکھو | ماخذ وچ تبدیلی کرو]میݙا حال ساری خدائی ہے چایا ہکّا توں نی آیا
تیݙے ٻاجھ ݙکھ میݙا ہر کہیں ونڈایا ہکّا توں نی آیا
تیݙی ذات تے ہن میکوں ٻہوں امیداں ، تہوں لایاں دیداں
خدا ڄاݨے کیں تیکوں ہے چا بچھایا ہکّا توں نی آیا
ٻہوں طعنے مہݨے ݙیوائے نی جیویں آکھاں تینوں کیویں
ہسایا ہے میں تے تَیں اپݨا پرایا ہکّا توں نی آیا
ہے پہچاݨ میݙی ضروری لکھاہے اوندا ناں قبر تے
وصیت دے وچ وی ایہا ہم لکھایا ہکّا توں نی آیا
مزاجََا نیںایݙا پتھر دل دا مالک ݙسا کیں بݨایائی
قبر دے اندر وی ہے غیراں لہایا ہکّا توں نی آیا
دماغ ای نہ تسلیم میݙا کریندا ، نہ اے دل منیدا
کیں مجبوری عاصم ؔ نوں ہوسی رہایا ہکّا توں نی آیا
(2)غزل
[لکھو | ماخذ وچ تبدیلی کرو]کیتیاں ڳلاں باتاں ہر اروار دیاں
خبراں کہیں نہ ݙتیاں سانوں پار دیاں
نیک نتیجے ہوندے ہن اچھائیاں دے
چنڳیاں سنگتاں ݙٹھیائے آخر تار دیاں
ڳالھ پتے دی ہے جے کوئی سمجھے تاں
سانجھیاں ہوندیاں عزتاں سارے شار دیاں
بھلݨاں چاہواں تاں وی میں ناں بھل سڳدا
مٹھیاں مٹھیاں ڳلاں تیں من ٹھار دیاں
تیکوں عاصم آپ ݙسا وت کون ملے
ڳلّاں کردائیں ناکامی تے ہار دیاں
٭٭٭