عاصم اوچوی

اصل ناں  غلام رسول رضوی

قلمی ناں  عاصمؔ اوچوی

جٖمنْ      1925ء

جاہ پتہ    وستی سادات رضوی۔اوچ مغلاں ۔نزد اوچ شریف

سئیں عاصمؔ اوچوی حضرت خواجہ غلام فریدؒ کنوں زیادہ متاثر نظر آندن ایہا ای وجہ ہے جو انہاں شاعری دیاں ڈوجھاں صنفاں وی لکھین لیکن انہاں دی کافی زیادہ مؤثر تے جاندار ہے۔

غزل

؎میں دل دی تلخائی سہہ تے جینداں اے عاصمؔ اوچوی نصیب میڈٖا

زمانے والیاں تے بٖوجھ بنْ گٖیاں زمیں تے ٹرداں میں بار تھی کے

؎میں توبہ کر تے ول پیتی زمانے کولوں ڈٖر ڈٖر تے

سجٖنْ کوں یاد کر بٖہنداں محبت ترک کر کر تے

نگاہِ فیض کر تے کئی میڈٖی تقدیر کوں بدلے

سخی داتا گُٖلیندا ہاں صدا ڈٖیندا ہاں در در تے

؎کہیں کوں اپنْاں بھید نہ ڈٖے ہن چغلی خور ہزار

لب چا سی توں عاصمؔ اوچوی گونگا پانْی رو

٭٭٭