عاشق صدقاݨی

سرائیکی شاعر ہے، قوم پرست سرائیکی شاعر ہے۔ مزاحمتی شاعری لکھدے۔

ڄم پل

٢١ جولائی ١٩٧٢ء کوں ڄمے، دیرہ غازی خان نال تعلق ہے۔

نمونہ کلام

(( پیلھوں ))

دل تیڈا ڈھول دیوانہ ہا.

میذا پیلھوں چوڑنڑ بہانہ ہا.

سب حلیہ ہا من موہی دا .

پندھ پیدل کیتم روہی دا

اے چانڑدا کل زمانہ ہا.

میڈا پیلھوں چوڑنڑ بہانہ ہا

ہرموں دی وکھری بولی ہئی .

ہر بولی لگدی گولی ہئ .

موں موں دا وکھرا تانہ ہا.

میڈا پیلھوں چوڑنڑ بہانہ ہا.

ہر ویلھے گالھیں تیڈیاں ہن .

اے بنگلے سالہیں تیڈیاں ہن .

تیڈے ناں دا روز ترانہ ہا.

میڈا پیلھوں چوڑنڑ بہانہ ہا.

سب حیلے مونجھ ویچالے ہن .

کیتے عاشق رو رو بھالے ہن .

تیڈا ورد سانول پنجگانہ ہا.

میڈا پیلھوں چوڑنڑ بہانہ ہا.

دعاگو ..

عاشق حسین صدقانی

ݙوہڑہ

اساں بھوگڑو بھوگ مدامیں دے اونکوں روک نہ ہتھ اولارنڑ ڈے تنڑں مارنڑ ڈے.

تنڑں مارنڑ ڈےتل کھوٹ ہسی ہالی قہر دے کوٹ اوسارنڑ ڈے تنڑں مارنڑ ڈے.

توڑے جبر یا نرم مزاجی نال اے انسانی قدراں ھارنڑ ڈے تنڑں مارنڑ ڈے .

ہر عمل دا عاشق حساب تھیسی اونکوں ہالی جہاز اوڈارنڑ ڈے تنڑں مارنڑ ڈے.

دعاگو. .

عاشق حسین صدقانی

غزل

توڑے ݙنگے چس تے آوے اعلی نسلی نانگ تاں ھووے ـ

گوہ دے اگوں درکݨ بڄݨ بین وڄاوݨ کہیں لیکھے ـ

بے من دا اے میلا من صاف تھیوے تاں منوں

کئی واری تاں دوکھا ݙیتس پئے ول ازماوݨ کہیں لیکھے ـ

ݙیندا بیٹھے کئی دلیلاں اوجڑیا پڄڑیا دل اے ساݙا

کیندی خاطر رووݨ پیٹݨ مونجھ مناوݨ کہیں لیکھے ـ

اج تئیں پئے بھوگ بھگیندوں اوندی ھک بھنوالی دا

وعدے کرکے مکریا گئے او ھݨ یاد ݙیواوݨ کہیں لیکھے ـ

جیندے ہتھوں سوھݨا سیاں لڄ دا کڄ نہ تھیوے

اتو ننگے کھربے کوں ھ دستار پاواوݨ کہیں لیکھے ـ

ھووے تاں ول جوڑ برابر لڑدیں چس تاں آوے

مردہ موئے شیر دے اگوں ٹانڈا چاوݨ کہیں لیکھے ـ

حق دی گال دا ھوکا ٹھہندے بھریا میل جے ھووے

گھنڈ ءچ بہہ کے ہولے ہوے یار الاوݨ کہیں لیکھے ـ

کون بھروسہ کر سڳدا ء پھوتی پیر پھیرندڑ دا

بے دی ڄنڄ تیں جھمراں پاوݨ نچݨ ڳاوݨ کہیں لیکھے ـ

انویں پئے دھوڑ جپیندوں عاسق اوندے رستے دی

نت دا پٹڑائے چہرے توں ھ دھوڑ ھٹاوݨ کہیں لیکھے ـ

جتھاں ھووے خش پیا وسے شالا جندڑی جیویس

ݙوکھے ویلھے آندا نئیں او ھݨ اوندا آوݨ کہیں لیکھے ـ

عاشق حسین صدقانی

سرائیکستان ادبی فورم آل پاکستان