عارف فریدی

اصل ناں محمد عارف

قلمی ناں عارف فریدی

ڄمݨ 1980ء

تعلیم پرائمری

پیشہ زمیندارہ

فون نمبر 0300 6843391

جاہ پتہ موضع بھوراٹہ خیر پور ٹامیوالی ضلع بہاول پور

پُڄے حاکم کوں درداں دی دھاں کہیں طرحاں

تھیوے ݙکھیاں کوں حاصل اماں کہیں طرحاں

اے ہے خواہش غریباں دے ہر بٖال دی

رڄ تے ملے ہا ساکوں گراں کہیں طرحاں

بے خبر گھاٹی نندر اچ میں سُتّا ریہم

یار چھک گھدی سر تلوں بٖانہہ کہیں طرحاں

پندھ دُھپ دا مکاوے ہا قسمت کݙی

ݙیکھ گھناں ہا سکھاں دی چھاں کہیں طرحاں

جھٹ دا جھٹ بے وفا سُݨ گھنے ہا میݙی

حال دل دا کراں ہا بیاں کہیں طرحاں

سدھا رستہ چا لاوے ہا عارفؔ کوئی

ساکوں آ ویندا جیوݨ دا ݙاں کہیں طرحاں