عابدہ بی بی

عابدہ بی بی (اردو: عابدہ بی بی، انگریزی: Abida Bibi)ہِک پاکستانی سیاست دان ہِن جیڑھی اگست 2018 توں پنجاب دی صوبائی اسمبلی دی رکن ہِن۔ انّھاں دی سیاسی وابستگی پاکستان تحریک انصاف نال ہِے۔ اوہ ایم بی بی ایس ہِن اَتے پیشے دے اعتبار نال ڈاکٹر ہِن۔

سیاسی حیاتی

2018 دے عام انتخابات وِچ عابدہ بی بی زنانیاں کِیتے مخصوص نشست تے پاکستان تحریک انصاف (پی ٹی آئی) دی اُمیدوار دے طور تے پنجاب دی صوبائی اسمبلی دے لیے منتخب تھئیاں ہَن۔

عابدہ بی بی نے 15 اگست 2018 کوں پنجاب اسمبلی دی رکنیت دا حلف چاتا۔ 2020 وِچ الیکشن کمیشن نے 16 مخصوص زنانیاں نشستاں تے منتخب اراکین دی رکنیت اثاثیاں دی تفصیل ظاہر نہ کرݨ دی بَنیاد تے معطل کر ݙِتی جنّھاں وِچ عابدہ بی بی وی شامل ہَن۔

قائمہ کمیٹیاں دی رکنیت

عابدہ بی بی تحریک انصاف دی متحرک اَتے سرگرام رکن پنجاب صوبائی اسمبلی ہِن۔ عابدہ بی بی مندرجہ ذیل کمیٹیاں دی رکن رہی ہَن:

• محکمہ بہبود کمیٹی

توجہ ݙیواؤ نوٹس،سوالات اَتے موشن

عابدہ بی بی نے 2018 توں 2020 دسمبر تئیں کوئی توجہ دلاؤ نوٹس پنجاب صوبائی اسمبلی وِچ پیش نہیں کِیتا۔

عابدہ بی بی نے پنجاب اسمبلی دے ستویں سیشن وِچ تحصیل ہیڈکوارٹر ہسپتال مری وِچ عملے دی غفلت اَتے لاپروائی دے باعث ہِک عورت دی موت تے ایڈجرنمنٹ موشن پیش کِیتا جیڑھا نمٹا ݙِتا ڳیا۔

اوہ اوقاف، مذہبی امور، خصوصی صحت دی سہولیاں اَتے میڈیکل تعلیم دے نال نال سماجی بہبود اَتے بیت المال دے متعلق ایوان پنجاب وِچ سوالات پچھین٘دیاں رہئیاں ہَن۔