عائشہ چندریگر

عائشہ چندریگر
معلومات شخصیت
ڄَمّݨ دی تریخ	(1987-09-30) 30 ستمبر 1987
قومیت	پاکستانی
عملی حیاتی
تعليم	ماسٹر آف آرٹس، بین الاقوامی صحافت
وجہ شہرت	تحفظ جانوراں
ویب سائٹ
ویب سائٹ	https://global.acfanimalrescue.org

عائشہ چندریگر (اردو: عائشہ چندریگر، کنوں) ہِک پاکستانی زنانی ہِن جہڑی زانوراں دے حقوق دی کارکن، کاروباری شخصیت اَتے صحافی ہِن۔ اُوہ کراچی، پاکستان وِچ واقع ہِک غیر منافع بخش زانوراں کنوں بچاوݨ آلی تنظیم "عائشہ چندریگر فاؤنڈیشن" دی بانی ہِن۔

ابتدائی حیاتی

چندریگر 30 ستمبر 1987ء کوں ڄَمّی ہَئی۔ اُوں نے نیو یارک یونیورسٹی دے آرٹس اَتے سائنس کالج کنوں انگریزی ادب اَتے سینما سٹڈیز دی ڈگری گِھدّی۔ اُوہ برٹش ایسوسی ایشن برائے کونسلنگ اینڈ سائیکو تھراپی دے نال لائسنس یافتہ سائیکیو تھراپسٹ ہِن۔ اوں نے ڈبلیو ڈبلیو ایف پاکستان دے زیرِ اہتمام گرین انوویشن چیلنج جِتّیا۔

حیاتی دا ٻِیا احوال

2005ء وِچ پاکستان وِچ آوݨ آلے زلزلے دے بعد چندریگر اسلام آباد وِچ 700 بے ٹِکاݨاں لوکاں دے پناہ گزین کیمپ دی سربراہی کرین٘دی پئی ہَئی۔ انّھاں نے عائشہ چندریگر فاؤنڈیشن دی بنیاد رکھی، جیکوں 2013ء وِچ کراچی وِچ اے سی ایف وی آکھیا وین٘دا ہَئٰ۔ اے سی ایف نے ریسکیو ایمبولینس سروس دا اَغاز کِیتا اَتے این٘دے کول ہِک امدادی ہیلپ لائن فعال ہِے۔ 2020ء وِچ اِیں پناہ گاہ وِچ ہر طرح دے 500 زانور ہن اَتے پاکستان وِچ ڳلیاں اَتے بے گھر کُتے، ٻلیاں اَتے انجو انج زانوراں کِیتے اِیہ پہلا زانوراں دی پناہ گاہ ہِے۔ اے سی ایف سَت بنیادی رکناں دے نال نال کُجھ رضاکاراں اُتے مشتمل ہِے۔