عائشہ ملک

عائشہ ملک
معلومات شخصیت
پیدائش	3 جون 1966ء (59 سال)  کراچی
شہریت	پاکستان
مناصب
جج عدالت عظمیٰ پاکستان
آغاز منصب 24 جنوری 2022
عملی حیاتی
مادرِ علمی	کراچی گرائمر اسکول ہارورڈ لا اسکول
پیشہ	منصف
اعزازات
100 خواتین (بی بی سی) (2022)

جسٹس عائشہ اے ملک (اردو: عائشہ ملک، کنوں) سپریم کورٹ آف پاکستان دی پہلی زنانی جج 1966ء وِچ ڄَمّݨ آلی عائشہ ملک نے آپݨی بنیادی تعلیم پیرس اَتے نیو یارک کنوں گِھدّی اَتے کراچی گرامر سکول کنوں سینیئر کیمبرج کِیتا۔ اِیں کنوں بعد انّھاں نے لندن وِچ فرانسس ہالینڈ سکول فار گرلز کنوں اے لیول کِیتا، گورنمنٹ کالج آف کامرس اینڈ کنامکس کراچی کنوں بی کام اَتے لاہور دے پاکستان کالج آف لاء کنوں قانون دی تعلیم گِھدّی۔

بعد وِچ عائشہ اے ملک ہارورڈ لاء سکول، کیمبرج، میسا چوسٹس، امریکا کنوں ایل ایل ایم کرݨ چلی ڳئی، جتّھاں انّھاں نے ودھائی قابلیت کِیتے لندن ایچ لیمن فیلو 1998-99 دا ناں ݙِتّا ڳِیا۔ ایں کنوں بعد 1997 کنوں 2001 دے وِچالے انّھاں نے فخر الدین جی ابراہیم اینڈ کمپنی کراچی دے نال کَم کِیتا۔

2004ء وِچ لاء فرم دے لاہور دفتر دی انچارج اَتے کارپوریٹ اینڈ لیگیشن ڈیپارٹمنٹ دی اڳواݨی کِیتی۔ انّھاں نے پنجاب یونیورسٹی، لاہور دے شعبہ ماسٹرز آف بزنس اینڈ انفارمیشن ٹیکنالوجی وِچ لیکچرر دی حیثیت نال قانون دی تعلیم ݙِتّی۔ اُوہ مرکنٹائل لاء کالج آف اکاؤنٹنگ اینڈ منیجمنٹ سائنسز، کراچی دی لیکچرر وی ہِن۔

عائشہ ملک ہائی کورٹس، ضلعی عدالتاں، بینکنگ کورٹس، سپیشل ٹربیونل اَتے ثالثی ٹربیونل وِچ پیش تھی چُکی ہِن۔

انّھاں نے سپریم کورٹ دی 50 ویں ورھیں ڳنڈھ دے موقع تے چَھپّݨ آلے پاکستان کالج آف لاء دے 1956-2006ء دے چوݨویں مقدمیاں کوں وی مرتب کِیتا۔ اُوہ آکسفورڈ یونیورسٹی پریس دی اشاعت، گھریلو عدالتاں وِچ بین الاقوامی قانون اُتے آکسفورڈ رپورٹاں کِیتے پاکستان دی رپورٹر ریہی ہِن۔

ٻِیا ݙیکھو

• 100 زنانیاں (بی بی سی)