ظہور دھریجہ دے مختلف بیانات

(2021ء)

سانحہ کالونی ٹکسٹائل ملز دی 34ویں برسی دے موقعے تے نواں شہر چوک اِچ تھیوݨ آلے مظاہرے دے موقعے تے ظہور دھریجہ آکھیا جو شکاگو دی طرح سانحہ کالونی ٹیکسٹائل ملزم ملتان وݙا سانحہ ہے۔(16)

                       شہیداں دی یاد اِچ شمع روشن کیتی ڳئی، تفصیل مطابق سرائیکستان قومی کونسل دے اجلاس ء ِ چ مچھ بلوچستان اِچ 11کان کناں دے بہیمانہ قتل تے سخت صدمے دا اظہار کیتا ڳیا تے قاتلاں دی گرفتاری دا مطالبہ کیتاڳیا ۔

                       سرائیکی کلچر ڈے دے حوالے نال منعقد کیتے ڳئے اجلاس دی صدارت کریندے ہوئے سرائیکی رہنما ظہور دھریجہ آکھیا جو سندھی کلچر ڈے دی طرح سرائیکی کلچر ڈے وی سرکاری سطح تے منایا ونڄے ۔(18)

ݙینھوار جھوک سرائیکی دے دفتر سرائیکستان صوبہ محاذ دا مشاورتی اجلاس تھیا ، میزبان ظہور دھریجہ تے مہمان خواجہ غلام فرید کوریجہ ہن ۔ مسیح اللہ خان جام پوری ، رانا ذیشان نون ، جام فیض اللہ ، خواجہ شعیب تے ٻئے لوکاں شرکت کیتی ۔ اجلاس اِچ سرائیکی صوبہ تحریک کوں تیز کرݨ سانگے مشاورت کیتی ڳئی۔(19)

ٹبہ مسعود پور ملتان اِچ سرائیکی اڳواݨ سئیں ظہور دھریجہ دی قیادت اِچ سائونڈ ایکٹ دے خلاف احتجاجی مظاہرہ کیتا ڳیا ۔ شریف خان لاشاری ، روبینہ بخاری ، سرائیکی سنگر ثوبیہ ملک تے مقامی فنکاراں شرکت کیتی۔(20)

سرائیکستان قومی کونسل دی طرفوں ملتان اِچ سرائیکی اڳواݨ قاسم خان لاشاری دی یاد اِچ مکاݨی کٹھ تھیا ۔ صدارت ظہور دھریجہ کیتی ،کٹھ اِچ ملک سلیم ، مہر مظہرکات ، شریف خان لاشاری ، شعیب نواز بلوچ ، عرفان رند ، رشید خان لاشاری ، مسیح اللہ خان جامپوری تے ٻئے لوکاں ڳالھ مہاڑ تے سرائیکی شاعر ریاض عصمت ، شبیر ناز ، ثوبیہ ملک ، حافظ خدا بخش واقف ملتانی ، امین بزدار ، نذر فرید بودلہ کلام پیش کیتا ۔(21)

سرائیکستان قومی کونسل دے صدر جمالی نگر خان پور دے تعزیتی کٹھ اِچ جمالی نگر حادثہ دے متاثرین کوں معاوضہ ݙیوݨ تے چنی ڳوٹھ تا چوک بہادر پور روڈ کو ݙو رویہ کرݨ دا مطالبہ کیتے ۔(22)

جھوک سرائیکی ادبی سنگت دے چیئرمین ظہور دھریجہ دی صدارت اِچ انقلابی شعراء دی دستار بندی کراوݨ دا فیصلہ کیتا ڳیا ۔31جنوری دی تاریخ مقرر تھئی ۔ ملک جاوید چنڑ ، شریف خان لاشاری ، حاجی عید احمد دھریجہ تے ٻئے موجود ہن ۔(23)

سرائیکی صوبہ بݨاوݨ سانگے اتحاد وقت دی ضرورت ءِ ۔ سئیں ظہور احمد دھریجہ دی نگرانی اِچ کٹھ ۔ خواجہ غلام فرید کوریجہ ، عاشق بزدار ، مظہرکات ، محمد بخش براٹھا ، مقصود دھریجہ ، ثوبیہ ملک ، مسیح اللہ خان جام پوری ، حاجی عید احمد دھریجہ ، ملک غلام عباس ملنہاس دی شرکت ، رَل تے جدوجہد کرݨ دا فیصلہ۔(24)

سندھ نال تعلق رکھݨ آلی پیپلزپارٹی دی ایم پی اے محترمہ غزالہ سیال تے اُنہاندے پئے عبدالمومن میمن جھوک دفتر ظہور دھریجہ نال پریس کانفرنس کیتی تے آکھیا جو سرائیکی صوبہ پیپلز پارٹی بݨیسی ۔ مہاندرے سرائیکی شاعر امان اللہ ارشد ، مہر مظہرکات تے ٻئے موجود ہن ۔(25)

سندھ پولیس دے ہتھوں جعلی مقابلے اِچ 5سرائیکیاں کوں قتل کرݨ دے خلاف دیرہ غازی خان اِچ احتجاجی مظاہرے نال ظہور دھریجہ تے اکبر ملکاݨی خطاب کریندے ہوئے قاتل پولیس ایس پی دی برطرفی دا مطالبہ کیتا تے وزیر اعلیٰ سندھ مراد علی شاہ دے خلاف نعرے لائے ۔(26)

سرائیکی اڳواݨ ظہور دھریجہ تے خواجہ غلام فرید کوریجہ نال ملاقات دے دوران بلوچ قوم پرست رہنما ڈاکٹر عبدالحئی خان بلوچ آکھّے جو مظلوم تے محکوم قوماں دا اتحاد وقت دی ضرورت ءِ۔(27)

ملتان۔ سرائیکستان قومی کونسل دے کٹھ اِچ سرائیکی اَڳواݨ ظہور دھریجہ ، حاجی رب نواز ملک ، عالمی شہرت یافتہ الغوزہ نواز حاجی غلام فرید کنیرا، ارشد نور پوری تے ٻئے لوکاں مطالبہ کیتے جو سرائیکی کلچر ڈے سرکاری طور تے منایا ونڄے ۔ ظہوردھریجہ چولستان اِچ زمیناں دی لُٹ مار ختم کرݨ تے چولستان اِچ نواں ضلع بݨاوݨ دا وی مطالبہ کیتے۔(28)

ملتان ۔ ݙینھ وار جھوک سرائیکی دی طرفوں مہاندرے سرائیکی شاعر دلنور نور پوری دی اَٹھویں برسی منائی ڳئی ۔ ظہور دھریجہ صدارت کیتی ، سابق ڈائریکٹر آرٹس کونسل محمد علی واسطی ، پروفیسر مرید ، ماسٹر عاشق فرید المعروف دھوڑ پٹ تے ریڈیو پاکستان دی سنگر ثوبیہ ملک کلام سُݨایا۔(29)

سرائیکستان قومی کونسل کوٹ سمابہ دی طرفوں9ویں سالانہ سرائیکی کانفرنس تھئی ۔ میزبان ہوشو شیدی ہن ، صدارت ظہور دھریجہ کیتی ۔ سرائیکی رہنماواں خطاب تے سرائیکی شاعراں امان اللہ ارشد ، شبیر طاہر حمایتی ، ناصر تے سعید ثروت کلام سُݨایا۔(30)

خان پور۔ کراچی اِچ سرائیکیاں دے قتل دے خلاف وستی ملاݨہ ٹھل حمزہ اِچ سرائیکستان قومی کونسل تے سرائیکی ایکشن کمیٹی دی طرفوں مظاہرہ کیتا ۔ ظہور دھریجہ تے راشد عزیز بھٹہ خطاب کریندے ہوئے آکھیا جو اساݙا صوبہ ہووے ہا تاں اساݙے پُتر کراچی اِچ لاوارثی موت نہ مرن ہا۔(31)

ملتان۔ سرائیکستان قومی کونسل دے کٹھ اِچ ظہور دھریجہ مطالبہ کیتا کہ لاہور اِچ رنجیت سنگھ دے مجسمے کوں تروڑݨ آلے کوں رہا کیتا ونڄے۔(32)

ملتان۔16دسمبر سقوط ڈھاکہ تے شہداء آرمی پبلک سکول دے حوالے نال ݙینھ وار جھوک سرائیکی ملتان   اِچ تقریب۔(33)

سرائیکستان صوبہ محاذ دے کٹھ اِچ سرائیکی اڳواݨ ظہور دھریجہ ، خواجہ غلام فرید کوریجہ ، اکبر ملکاݨی ، عاشق بزدار تے مظہر کات آکھیا جو حکمران صوبے دے ناں تے مذاق کریندے پن ۔ ایں موقعے تے سرائیکی اڳواݨ صوفی تاج گوپانگ دا فاضل پور اِچ تعزیتی ریفرنس وی ہا تے سرائیکی یوتھ کونسل دے صدر آصف دھریجہ دا دریائے سندھ اِچ ڈھہݨ دا پیشہ آیا ۔ معجزانہ طور تے اللہ سئیں حیاتی بچا گھدی ۔ شکرانے دے نوافل تے دھریجہ نگر اِچ خیرات کیتی ڳئی۔(34)

ملتان ۔ جھوک دے ایڈیٹر ظہور دھریجہ تے مسیح اللہ خان جام پوری وائس چانسلر زکریا یونیورسٹی ڈاکٹر منصور کریم کنڈی تے شعبہ سرائیکی دے چیئرمین ڈاکٹر قاضی عبدالرحمن عابد توں اپیل کیتی اِچ جو سرائیکی سٹڈی سنٹر دے شعبہ جات ، خواجہ فرید چیئر ، شعبہ پس نو آبادیات ، شعبہ ٹرانسلیشن سٹڈیز سالہا سال توں منظور ءِ ، ہر سال بجٹ منظور تھیندے ۔ انہاں شعبیاں کوں فنکشنل کیتا ونڄے ۔ سندھیالوجی طرز دا ادارہ قائم کیتا ونڄے ۔ اسامیاں فل کیتیاں ونڄن ۔ پی ایچ ڈی شروع کیتی ونڄے ۔(36)

سرائیکستان قومی کونسل دے صدر ظہور دھریجہ مطالبہ کیتے جو کراچی اِچ بوائلر پھٹݨ ،اَٹھ سرائیکی مزدوراں دے وارثاں کوں معاوضہ ݙیو ۔ الگ بیان اِچ انہاں اے وی آکھیا جو آدم شماری سرائیکی قوم نال وانجھ کیتی ڳئی ۔ نتیجہ تسلیم نی کریندے ۔ ظہور دھریجہ آکھیا جو سرائیکی وسیب کوں جنوبی پنجاب دا ناں ݙیوݨ آلیاں دی مذمت کریندوں ، جنوبی پنجاب نہ لکھو ، سرائیکستان لکھو۔(36)

ملتان۔ صوبہ دا وعدہ پورا نہ کرݨ تے عمران خان دی حکومت دے خلاف سرائیکستان قومی کونسل دی طرفوں عنائت پور مہوٹہ ملتان اِچ ظہور دھریجہ دی قیادت اِچ مظاہرہ کیتا ڳیا ۔ روشن ضمیر مہوٹہ ، جعفر مہوٹہ ، انور مہوٹہ ، شریف خان لاشاری ، ملک جاوید چنڑ تے ٻئے اڳواݨاں خطاب کیتا۔(37)

معروف آرٹسٹ تے ݙینھ وار جھوک دے جنرل منیجر سئیں ضمیر ہاشمی دے بھراسئیں مشتاق احمد شاہ مرحوم دی یاد اِچ تعزیتی ریفرنس جھوک اِچ تھیا ۔ ظہور دھریجہ خطاب کریندے ہوئے آکھیا جو مرحوم اپݨی ماء ٻولی نال محبت کریندے ہن ۔ سرائیکی صوبہ اُنہاندا خواب ہا پر حکمران بے رحم ہِن نہ ڄاݨے کتنی شخصیات اے حسرت دل اِچ قبریں ونڄ سُتن۔(38)

سرائیکستان قومی کونسل دے صدر ظہور دھریجہ جھوک دے کٹھ اِچ آکھّے جو سرائیکی قوم سانگے 2020ء دا سال تباہی دا سال ہے جو ایں سال سرائیکی شخصیات ڈاکٹر طاہر تونسوی ، پروفیسر شوکت مغل ، صوفی تاج گوپانگ، شفاء اللہ روکھڑی ، آرٹسٹ حافظ محمد اقبال ، سابق ایم پی اے سید ناظم شاہ ، ڈائریکٹر تعلقات عامہ بہاول پور رانا اعجاز محمود ، وائس چانسلر نشتر ڈاکٹر غلام مصطفیٰ کمال پاشا ، ایم این اے شیخ طاہر رشید ، سرائیکی اڳواݨ سلیم شہزاد آف دیرہ اسماعیل خان ، ایم پی اے عاطف مزاری تے سرائیکی تاریخ دے مصنف قیس مسیح ایں سال قتل تھئے ۔(39)

انٹرنیشنل سرائیکی حقوق کمیشن دے زیر اہتمام سرائیکستان ہائوس دیرہ غازی خان اِچ سرائیکی قومی کانفرنس اِچ خطاب کریندے ہوئے ۔ سرائیکی کوں قومی زبان قرار ݙیوݨ دامطالبہ کیتے تے آکھییّ جو 9نومبر سقوط دیرہ اسماعیل خان سرائیکی قوم واسطے کالا ݙینھ اے ۔ کانفرنس نال قومی سرائیکی رہنماواں احسان احمد چنگوانی میزبان نے وی خطاب کیتا۔(40)

دھریجہ ادبی اکیڈمی دھریجہ نگر دے نعتیہ مشاعرے نال خطاب کریندے ہوئے ظہور دھریجہ آکھیا جو تحریک انصاف صوبہ نہ بݨایا تاں ایندا حشر پی پی تے ن لیگ وانگے تھیسے ۔مشاعرے دے میزبان نذیر احمد بزمی ہن۔(42)

سرائیکستان قومی کونسل دھریجہ نگر دی طرفوں دھریجہ نگر اِچ منعقد کیتے سرائیکی تریمت کنونشن نال صدارتی خطاب کریندے ہوئے ظہور دھریجہ آکھیا جو سرائیکی صوبے دی جدوجہد اِچ خواتین دا کردار اہم ءِ ، پہلے تریمت کنونشن نال سرائیکی اڳواݨ نذیر لغاری ،سربراہ تریمت کنونشن عابدہ بتول ، کرن لاشاری ، اقصیٰ ملک ، سعدیہ شکیل ، نسرین گل ، اَدی نیناں ، نازیہ شکور ، رخسانہ حمید ، زیب النساء دھریجہ ، شانزہ لاشاری ، رضیہ پروین ، ریحانہ ایوب دھریجہ ، رابعہ خورشید دھریجہ ، ابرار خان دریشک ، راشد بھٹہ ، مہر مظہر کات ، نور تھہیم ، خورشید خان چانڈیہ ، پروفیسر محسن بلوچ ، تاج گل خان ، شفیق تبسم ، رانا نعیم ، شفیق تبسم ، ریاض کھرل ، اظہر مراد ، قاضی راحت نذیر بزمی ، امان اللہ ارشد تے ٻئے شعراء خطاب کیتا ۔(43)

سرائیکستان قومی کونسل دے رہنما منور بھٹہ ، ملاں والی تحصیل لیاقت پور اِچ مشائخ کانفرنس دا اہتمام کیتا ۔ ظہور دھریجہ اپݨے خطاب وچ آکھیا جو مشائخ سرائیکی زبان و ادب دے فروغ تے سرائیکی صوبے واسطے کم کرن۔(44)

ملتان ۔ اکادمی ادبیات دی طرفوں سرائیکی شاعر واقف ملتانی کوں وہیل چیئر تے اُنہاندی کتاب پیریں ٻاجھ پندھیڑو دی اشاعت سانگے جھوک سرائیکی اِچ کٹھ تھیا ۔ ظہور دھریجہ صدارتی خطاب اِچ آکھیا جو واقف ملتانی خود دار تے عظیم شاعر ہے اُنہاندی کتاب نال سرائیکی ادب اِچ وادھا تھیسے ۔ سرائیکی اڳواݨ ملک اللہ نواز وینس ، عاشق صدقانی ، جاوید شانی تے ٻئے شریک تھئے۔(45)

دیرہ غازی خان ۔ عوامی سرائیکی پارٹی دیرہ غازی خان دی طرفوں 9نومبر سقوط دیرہ اسماعیل خان ۔ احتجاجی جلوس کڈھیا ڳیا ۔ سرائیکی رہنما ظہور دھریجہ آکھیا جو ڈی آئی خان ، ٹانک دے بغیر سرائیکی صوبہ قبول نہ کریسوں۔(46)

ملتان۔ بلوچ قوم پرست رہنما ڈاکٹر عبدالحئی خان بلوچ جھوک دے دفتر تشریف گھن آئے ، سئیں اڳواݨ ظہور احمد دھریجہ نال ملاقات کیتی ۔ استقبالیہ تقریب نال خطاب کریندے ہوئے ڈاکٹر عبدالحئی خان بلوچ آکھیا جو حکمراناں توں چنگائی دی اُمید نہ رکھو ، جدوجہد کرو ، سرائیکی صوبے واسطے جدوجہد کرو۔(47)

ملتان۔ 17نومبر ݙینھ وار جھوک سرائیکی ملتان دی سالڳنڈھ منائی ڳئی ۔ سرائیکی اڳواݨاں تے شمع بناسپتی دے چیف ایگزیکٹو شیخ احسن رشید مبارکباد ݙتی۔(48)

ملتان ۔ کوٹ مٹھن اِچ حضرت خواجہ غلام فریدؒ دے 123ویں عرس دی تقریبات نال خطاب کریندے ہوئے ظہور دھریجہ آکھیا جو خواجہ فرید دے پیغام ’’اپݨی نگری آپ وسا توں ، پٹ انگریزی تھاݨے‘‘ کوں عام کرݨ دی ضرورت ءِ۔(49)

فروری 2018ء

سرائیکستان قومی کونسل تے ݙینھ وار جھوک دی طرفوں 2فرورتی 2018ء کوں ملتان پریس کلب اِچ ملتان سلطان دی تقریب منعقد تھئی ۔ ظہور دھریجہ اپݨے خطاب اِچ آکھیا جو اساں ملتان سلطان واسطے دُعا کریندوں۔ ایں موقعے تے مشاعرہ تے موسیقی وی تھئی۔(50)

دیرہ اسماعیل خان اِچ سرائیکی جماعتاں دا اجلاس تھیا ۔ ظہور دھریجہ مہمان خصوصی ہن ۔ اجلاس اِچ ملک خضر حیات ڈیال، شہزاد سلیم ، اکرام ڈیوالہ ، سعید اختر ، سیال تے ٻئے شریک تھئے ۔ ظہور دھریجہ آکھیا جو وسیب دے حق حقوق سانگے سب کوں متحد تھیوݨاپمسے۔(51)

دھریجہ ادبی اکیڈمی دھریجہ نگر دی طرفوں ماء ٻولی دے عالمی ݙینھ تے منعقد کیتے ڳئے سیمینار وچ سرائیکی اڳواݨ ظہور دھریجہ اپݨے صدارتی خطاب اِچ پاکستانی زباناں کوں قومی زباناں بݨاوݨ دا مطالبہ کیتے۔(52)

سرائیکستان صوبہ محاذ دے کٹھ اِچ مطالبہ کیتا ڳے جو غازی یونیورسٹی دیرہ غازی خان اِچ سرائیکی ڈیپارٹمنٹ بلاتاخیر قائم کیتا ۔ ظہور دھریجہ آکھیا جو یونیورسٹی اپݨے اعلان تے عملدرآمد کرے۔(53)

دھریجہ ادبی اکیڈمی دھریجہ نگر دی طرفوں ایوب دھریجہ دی یاد اِچ منعقد کیتی ڳئی سرائیکی کانفرنس اِچ ظہور دھریجہ آکھیا جو ایوب دھریجہ سرائیکی تعلیم کوں عام کرݨ تے وسیب دی شناخت واسطے عظیم جدوجہد کیتی ۔(54)

سرائیکی اڳواݨ ظہور دھریجہ سرائیکستان امن ریلی 14اگست دی کامیابی تے دھریجہ نگر دے سارے نوجواناں کوں مبارکباد آکھی ءِ۔(55)

وسیب ٹی وی تے سرائیکی ادبی خدمات پیش کرݨ تے سرائیکی اڳواݨ سئیں ظہور دھریجہ دی خدمات کوں سلام پیش کیتا ڳے ۔ سینئر اینکر عارف ملغاݨی آکھیّے جو ایں مہینے سرائیکی ادبی ثقافتی کٹھ ڈی جی خان اور امن ریلی تے سانول سرائیکی میلہ کھوکھراں دی کامیابی تے مبارخاں ہوون۔(56)

فورٹ منرو اِچ جھوک سرائیکی میلہ منعقد تھیا ۔ اپݨے صدارتی خطاب اِچ سرائیکی اڳواݨ ظہور دھریجہ آکھیا جو فورٹ منرو سرائیکی وسیب دا مری اے اینکوں مری دے برابر سہولتاں ݙتیاں ونڄن ۔(57)

سرائیکی اڳواݨ ظہور دھریجہ ہک اجلاس اِچ آکھیے جو 6مارچ اساݙا ثقافتی تے چھ اپریل اساݙا قومی ݙینھ ءِ ، بھر پور طریقے نال منیسوں ، کٹھ اِچ اکرم میراݨی ، میر حسان الحیدری ، ڈاکٹر محمد حسین آزاد تے دیگر شریک تھئے۔اُنہاں آکھیا 6مارچ کوں سرائیکی اجرک آئی تے 6اپریل 1962ء سرائیکی دے ناں تے اتفاق کیتا ڳیا ۔ ظہور دھریجہ انہاں تہواراں کوں سرکاری سطح تے مناوݨ دا مطالبہ کیتے۔(58)

ملتان ٹی وی ہائوس اِچ تھیوݨ آلی سرائیکی کانفرنس دے میزبان ظہور دھریجہ آکھیا جو وسیب دی ادبی ، ثقافتی طاقت نال شناخت اَتے شناخت دی طاقت نال صوبہ گھنسوں ۔ ایں کانفرنس وچ خواجہ فرید ، عاشق بزدار ، اکبر ملکاݨی ، رانا فراز نون ، مہر مظہرکات ، جہانزیب وارن ، بریگیڈئیر لیاقت کھرل ، نعیم ڈاہا ، اُجالا لنگاہ ، ڈاکٹر مقبول گیلانی ، رمضان بے وس تے دیگر شریک تھئے۔(59)

احتجاجی کٹھ نال خطاب کریندے ہوئے سرائیکی اڳواݨ ظہور دھریجہ آکھیّ جو چولستان اِچ اقلیتی برادری نال تعلق رکھݨ آلے 5آدمیاں دی خود کشی ، وسیب دی غربت تے چارگی کوں ظاہر کریندی ءِ ، صوبہ ہووے ہا تاں ایویں نہ تھیوے ہا۔(60)

ݙینھ وار جھوک دی طرفوں سرائیکی شاعر حافظ خدا بخش واقف ملتانی دی کتاب ’’پیر ٻاجھ پندھیڑو‘‘ دی تعارفی تقریب دفتر جھوک اِچ تھئی۔ ظہور دھریجہ تے ٻئے اڳواݨاں مبارکباد ݙتی۔(61)

پڳ دا پرب

سرائیکی دے انقلابی شعراء دے اعزاز ءِ سرائیکستان قومی کونسل دی طرفوں ملتان پریس کلب اِچ منعقد کیتی ڳئی کانفرنس اِچ سرائیکی اڳوان ظہور دھریجہ آکھیا جو سرائیکی دے انقلابی شاعر سرائیکی قوم دا فخر ہن ۔ ایں موقعے تے سرائیکی اڳواݨاں خطاب کیتا ، انقلابی شعراء کلام سُݨایا۔(62)

سرائیکستان قومی کونسل کوٹ سمابہ دی طرفوں منعقد کیتے ڳئے تعزیتی ریفرنس وچ صدارتی خطاب کریندے ہوئے ظہور دھریجہ آکھیا جو سید غلام علی شاہ سرائیکی وسیب دا ماݨ اَتے سرائیکی نال محبت کریندے ہن انہاندی لائبریری لاجواب تے بے مثال ءِ ۔(63)

سرائیکستان قومی کونسل دی طرفوں بلوچستان اِچ سرائیکی مزدوراں دے قتل دے خلاف سئیں ظہور دھریجہ دی قیادت اِچ احتجاجی مظاہرہ نواں شہر چوک ملتان تے کیتا ڳیا ۔ بابو نفیس انصاری تے ٻئے رہنماواں خطاب کیتا ۔(64)

21فروری ماء ٻولی دا عالمی ݙینھ دھریجہ نگر اِچ تھیوݨ آلے سرائیکی سیمینار اِچ ظہور دھریجہ صدارتی خطاب اِچ آکھیا جو ماء ٻولیاں کوں زندہ رکھݨ انساناں تے انہاندی زبان کوں زندہ رکھݨ ہے۔(65)

ماء ٻولی دے عالمی ݙینھ دے حوالے نال جھوک سرائیکی ملتان اِچ تقریب دا اہتمام کیتا ڳیا ۔ ظہور دھریجہ صدارتی کیتی ۔ ڈاکٹر خالد اقبال مہمان خصوصی ہن ۔ مقررین ماء ٻولیاں کوں ترقی ݙیوݨ تے قومی زباناں بݨاوݨ دا مطالبہ کیتا ۔(66)

پاکستان سرائیکی پارٹی دیرہ غازی خان دی طرفوں وسیب دے حقوق سانگے کڈھی ڳئی ریلی دی قیادت اکبر خان ملکاݨی تے ظہور دھریجہ کیتی ۔ ظہور دھریجہ آکھیا وسیب دی سُنڄاݨ صوبے توں وی زیادہ اہم ءِ ۔(67)

مہاندرے سرائیکی شاعر شاکر شجاع آبادی نال راجہ رام اِچ ملاقات دے دوران ظہور دھریجہ آکھیا جو شاکر شجاع آباد دی بیرون ملک علاج کرایا ونڄے تے سرائیکی ادبی ادارہ بݨایا ونڄے۔(68)

سرائیکستان یوتھ کونسل دھریجہ نگر دے کٹھ اِچ ظہور دھریجہ آکھیا جو خان پور کوں ضلع بݨایا ونڄے ۔ خان پور کیڈٹ کالج کوں مکمل کیتا ونڄے تے کلاساں شروع کیتیاں ونڄن ۔ اُنہاں آکھیا جو خان پور کیڈٹ کالج دا دشمن شہباز شریف ہا ۔ موجودہ حکمران تاں خیال کرن۔(69)

دھریجہ نگر اِچ پری بجٹ سیمینار دا اہتمام کیتا ڳیا ۔ سرائیکی اڳواݨ ظہور دھریجہ وفاقی تے صوبائی بجٹ اِچ آبادی دے مطابق وسیب کوں حصہ ݙیوݨ دا مطالبہ کیتا ۔ راشد عزیز بھٹہ ، ریاض کھرل تے ٻئے لوکاں خطاب کیتا۔(70)

ڈیرہ اڈہ ملتان اِچ بجٹ اِچ سرائیکی وسیب دا حصہ بارے سرائیکی قومی کونسل دے احتجاجی مظاہرے نال خطاب کریندے ہوئے سرائیکی اڳواݨ ظہور دھریجہ آکھیا جو بجٹ اِچ پورا حصہ ݙیو تے سرائیکی صوبہ بݨائو۔(71)

بجٹ ءِ سرائیکی وسیب دا حصہ ، چوک نانگ شاہ ملتان اِچ ظہور دھریجہ تے ملک اللہ نواز وینس دی قیادت اِچ مظاہرہ کیتا ڳیا۔(72)

کرونا لاک ڈائون کتاباں مفت گھنو، گھر ٻہوں تے کتاباں پڑھو۔ جھوک پبلشرز دحے بانی ظہور دھریجہ دی طرفوں اہم اعلان سینکڑوں لوک ہر روز کتاباں گھنݨ اَمدن ، قومی تے عالمی میڈیا تے بھل بھل تھئی ءِ۔(73)

سرائیکستان قومی کونسل دے اجلاس نال خطاب کریندے ہوئے سرائیکی اڳواݨ ظہور دھریجہ آکھیا جو ملک دا سب توں وݙا قرطینہ سنٹر ملتان بݨا تے ظلم کیتا ڳے ، حکمران آکھدن ملتان ملک دے اَدھ اِچ ہے ۔ اساں آکھدوں دارالحکومت بݨائو تاں انہاں کوں تپ چڑھدے ۔(74)

سرائیکستان قومی کونسل دے صدر ظہور دھریجہ ہک کٹھ اِچ پھٹی دے کاشتکاراں تے تھیوݨ آلے ظلم تے احتجاج کیتے تے آکھیّے جو کاشتکار پھٹی رہاوݨ ، کپڑا آپ بݨاوݨ وݙے زمیندار ملاں لاوݨ نہ تاں ملاں آلے ہُݨ کنگلا کہنے اڳوں برباد کر ݙیسن۔(75)

مہاندرے سرائیکی اڳواݨ سئیں عاشق بزدار دی دھریجہ نگر اِچ پڳ ٻدھائی تے پذیرائی دا جلسہ کر تے اساں دنیاں کوں ݙسیے جو سرائیکی قوم اپݨے ہیروز دی قدر کرݨ ڄاݨدی ءِ۔(76)

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی