ظہور دھریجہ دا ݙاݙی ویڑھا

ظہوردھریجہ دیاں ݙاݙیاں تاں ماشاء اللہ ڈھیر ساریاں ہن پر سکی ݙاڈی چنݨ مئی ہئی،  پہلے خاوند دا ناں محمد بخش میݙی ݙاڈی دی پہلی اولاد ڄام عبد اللہ دھریجہ ،جام عبد العزیز دھریجہ ،چاچا عبد اللہ دی اولاد وِچ اللہ ݙیوایاالمعروف عطاء اللہ طارق دھریجہ جو کہ خطاط ، آرٹسٹ تے اہل قلم ہن، اللہ بچایا دھریجہ ، شمس الدین دھریجہ، قمر دھریجہ تے ہک دھی ہئی ۔ عبدالعزیز دھریجہ وِچوں مرید احمد دھریجہ، منیر احمد دھریجہ(ایڈیٹر جھوک)، رشید ا حمد دھریجہ، محمد سلیم دھریجہ تے ہک دھی ہئی۔ ݙوہیں چاچے فوت تھی ڳن، تے وݙے چاچے دے ترائے پُتر وی اللہ کوں پیارے تھی ڳن، ہک پُتر فوجی شمس دھریجہ زندہ ہے میں والی کار زیادہ پڑھیا لکھیا کائنی پر اوندا وݙا کم اے ہے جو اُوں کنیں ٻہوں ساریاں تاریخاں لکھیاں ہویاں ہن، دھریجہ برادری دے ڈھیر سارے لوکیں دی تاریخ وفات تے کجھ شجرے دی ترتیب وی اُوں کنیں ہے۔اُوندے رجسٹرء ِ چ چاچے عبد ا للہ دی تاریخ وفات 1975ء ، چاچی امیر خاتوں (والدہ شمس دین)دی 1992ء ، تے منیر احمد دھریجہ دی 15دسمبر 2004ء لکھی ہوئی ہے ۔ݙاݙا محمد بخش فوت تھی ڳے تاں میݙی ݙاݙی چنڑ دی ݙوجھی شادی میݙے ݙاݙے غوث بخش نال تھئی ۔ڈاݙی ویڑھے دی ساری تفصیل میں نی پیا لکھ سڳدا کیوں جو اولادیں دیاں وی اولاداں تھی ڳن،البتہ جیڑھا کم میں نی پیا کر سڳدا دھریجہ قوم دا کئی نہ کئی بندہ اے کم ضرور کریسے۔کم کرݨ آلے دا ناں بݨسے۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان