ظہور حسین مجبور

1932ء تا ۔۔۔۔۔

منشی ظہور حسین مجبور دا تعلق اوچ شریف نال ہا ،آپ مڈل پاس ہن، اوں زمانے مڈل پاس دی اہمیت ہئی ،آپ کوں میونسپل کمیٹی اوچ شریف اچ چونگی محر مقرر کیتا ڳیا۔تہوں آپ دے ناں نال منشی دا لقب نتھی تھیا ہوئے۔جتھوں تک آپ دی شاعری دا تعلق ہے تاں آپ زبر دست شعری قوت دے مالک ہن۔سدھے سادے لفظاں وچ دلچسپ تے رواں شاعری کریندے ہن۔کوشش دے باوجود ہک حوالہ جاتی کتاب اچوں میکوں انہاں دی صرف ہک غزل ملی ہے۔جو پیشِ خدمت ہے۔

(1)غزل

کیا پچھدیں ݙکھ تھوڑے تھی ڳن؟

پہلے توں وی ݙوڑے تھی ڳن!

دردیں کوں میں کجھ نہ ڄاتا

پھپھڑیاں دیوچ پھوڑے تھی ڳن

تریہہ برہوں دی مار مکایم

ہاں دے خانے سوڑے تھی ڳن

تئیں جو جیویں منہ چا پھیریئے

دشمن کل وٹکوڑے تھی ڳن

عشق تیݙے وچ سو پُنڄ ہاریم

لیر کتیراں جوڑے تھی ڳن

بزم خوشی وچ تئیں بن سانول

زلف کنڈل وچ اِتھ مجبوراؔ

سارے ساز تنبوڑے تھی ڳن

عاشق کئی کاں کوڑے تھی ڳن