ظہور احمد دھریجہ دے خلاف مقدمہ
17جنوری 1998ء کوں ظہور احمددھریجہ دے خلاف حکومت پنجاب دی طرفوں تھاݨہ دولت گیٹ ملتان اِچ مقدمہ درج کیتا ڳیا تے الزام لاتا ڳیا جو ظہور احمد دھریجہ ملک دی سالمیت دے خلاف اشتعمال انگیز تقریر کیتی ءِ ۔سیشن کورٹ توں ظہور احمددھریجہ عبوری ضمانت کرائی ، ضمانت دے بعد بقول ظہور دھریجہ میݙے اُتے پولیس تے انتظامیہ دی طرفوں دبائو پاتا ویندا ریہا کہ میں معافی طلب کراں ، میں صاف انکار کیتا ۔ جیندی بناء تے عدالت اِچوں میݙی عدم موجودگی اِچ ضمانت کینس کرائی ڳئی۔(13)
ظہور دھریجہ دے خلاف مقدمہ دی مذمت
[لکھو | ماخذ وچ تبدیلی کرو]ملتان دے نال نال وسیب دے ٻئے علاقیاں وچ وی احتجاج کیتا ڳیا ۔ روزنامہ جسارت دی ہک خبر مطابق :
’’ایوان صحافت کا خصوصی اجلاس صدر ایوان صحافت چوہدری بشیر امانت علی کی زیر صدارت منعقد ہوا ۔ اجلاس میں روزنامہ ’’جھوک‘‘ کے چیف ایڈیٹر ظہور احمد دھریجہ پر 16MPPکے تحت مقدمہ درج کرنے پر حکومت پنجاب کی سخت مذمت کی گئی اور قرار داد کے ذریعے مطالبہ کیا گیا کہ حکومت نے آزادیصحافت کو دبانے کی کوشش نہ کرے اور مقدمہ واپس لے ۔ اجلاس میں وزیر اعظم پاکستان میاں نواز شریف سے مداخلت کا مطالبہ کرتے ہوئے کہا گیا کہ وہ ظہور احمد دھریجہ کے خلاف حکومت پنجاب کو انتقامی کارروائی سے روکے ۔‘‘(14)
’’بیورو کریسی سرائیکی اخبار ݙینھوار جھوک دے ایڈیٹر ظہور احمد دھریجہ کوں سرائیکی صحافی ہووݨ تے سرائیکی صوبے دی ڳالھ کرݨ دی سزا ݙیندی پئی ہے ۔ انہاں دے خلاف کوڑا مقدمہ درج کرتے انہیں کوں ہراساں کیتا ویندا پے ، ڈان دے رئوف کلاسرا آپنی رپورٹ اِچ لکھیے جو مقدمہ آزادی صحافت تے حملہ ہے ۔ جیندی وسیب دے لوک مذمت کریندن ۔ رپورٹ اِچ لکھیا ڳئے جو ہیومن رائٹس دے رہنماواں دے نال نال ملتان دے صحافیاں مسیح اللہ جام پوری ، عبدالقادر یوسفی ، جمشید رضوانی ، سجاد جہانیاں ، رفاقت انجم ، طارق بلوچ ، انجم کا؍می ، حمید الحسن ، ظہور احمد دھریجہ دے خلاف حکومت پنجاب دی طرفوں انتقامی کارروائی دی سخت مذمت کیتی اے ۔‘‘(15)
ظہور احمد دھریجہ دے خلاف ہائیکورٹ اچوں مقدمہ دی عبوری ضمانت کنفرم تھیوݨ تے
روزنامہ سنگ میل 5فروری 1998ء
روزنامہ نوائے وقت 5فروری 1998ء
رونامہ آفتاب 5فروری 1998ء
روزنامہ اعلان 5فروری 1998ء
روزنامہ حیرت 6فروری 1998ء
روزنامہ نیوز کلو ملتان 6فروری 1998ء
روزنامہ نیوروشنی ملتان 6فروری 1998ء
و دیگر اخبارات نے خبراں شہ سرخی دے نال شائع کیتیاں ۔ ملتان ہائیکورٹ فاضل جج مسٹر جسٹس راجہ صابر دے سامھے دلائل ݙیندے ہوئے ظہور احمد دھریجہ دے وکیل ملک قادر بخش تھہیم آکھیا جو ظہور احمد دھریجہ دے خلاف رپورٹ ایس آئی برانچ درج کرائی جو ظہور احمد دھریجہ قریباً150لوکاں کوں دولت گیٹ ملتان تے کٹھا کر تے احتجاجی مظاہرہ کیتا تے پاکستان دی سالمیت اَتے قائداعظم دے خلاف اشتعال انگیز تقریر کیتی حالانکہ الزام بدنیتی تے مبنی ہے ، ملک قادربخش آکھیا جو استغاثہ کوئی شہادت نی پیش کر سڳیا تے شہادت اِچ جو ناں لکھیے ڳن او سپیشل برانچ دے اپݨے ملازم ہن ۔ ظہور احمد دھریجہ جو تقریر کیتی ءِ او سرائیکی صوبے اَتے ملتان بنچ کوں مکمل ہائیکورٹ دا درجہ ݙیوݨ بارے ہے ۔ بحیثیت پاکستانی شہر آئین پاکستان ظہور احمد دھریجہ کوں حق ݙیندے جو او ملک دی بہتری سانگے اپݨا مافی الضمیر بیان کرے ۔ فاضل جج ظہور احمد دھریجہ دے وکیل توں دلائل سُݨݨ دے بعد ضمانت کنفرم کر ݙتی ۔ ظہور احمد دھریجہ کوں انہاں دے مداحین پُھلیں دے ہار پوائے ۔
حوالہ
[لکھو | ماخذ وچ تبدیلی کرو]ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان) نگران مقالہ: ڈاکٹر محمد ممتاز خان کلیانی