ظفر چانڈیہ

اصل ناں       ظفر اقبال

قلمی ناں       ظفرؔ چانڈیہ

ڄمݨ           1989ء

تعلیم          ایف اے

پیشہ           محنت مزدوری

فون نمبر        0300 9615851

جاہ پتہ         موضع نظام آباد تحصیل و ضلع رحیم یار خان

غزل

کݙاں گھر کوں اے گھر کریندی ہے

ہنجھ مسافر سفرکریندی ہے

مونجھ تیݙی پہاج وانگوں ہے

نِت میݙے نال شرکریندی ہے

اوکوں دھمکی تے او وی میں ݙیواں

اوں تے دھمکی اثر کریندی ہے؟

رب جو بخشس شعور ہستی دا

گٖالھ تہوں مختصرکریندی ہے

ابنِ آدم دھیان وچ رہوے

یاد کلہی قبرکریندی ہے

باد شاہ وی ظفرؔ پچھوں ٹُردن

موت ایں معتبرکریندی ہے

٭٭٭