ظفر لُنڈ دی مکاݨ

ہالی رضو شاہ دا ڈُکھ نہ مُکا ہا جو اج ظفر لُنڈ وی داغ ڈے گئے۔ سرائیکی وسیب دے ڈو روشن تارے جہڑے ہر لمحہ اندھے گُنگے باتھے سماج ءچ شعور و آگہی دی واٹ بالی رکھدے ہن۔ وسیب دا درد رکھنْ آلے اے انقلابی صرف میز اُتے ہک پیالی چاہ تے انقلاب دی بجائے وستی وستی شہر شہر پھر تے عوام دے مظلوم طبقات کوں آپت ءچ جوڑن دا کم کریندے رہ گئے ۔ ایں اوکھی راہ ءچ وڈے وڈے پردھان کارکن تھک ہار تے اپنْی راہ بدلا گئے۔ پر اپنْے شعور دی روشنائی تے یقین دی جُڑت نال انھاں لوکاں کوں کلھا نئیں چھوڑا۔ اج وسیب اُتے ِگجھاں پِھردیاں بھؤندیاں ودِن جو اج وسیب ءچ غریب جٹ ہاری مزدور اپنْی چھیکڑی ساہ گھندا پئے تے اُتوں راکھی آلے ڈو رانجھے اپنْی راہ سُدھار گئین۔ شہزادعرفان