ظفر فرہاد عباسی
اصل ناں محمد ظفر
تخلص فرہادؔ
ڄمݨ 1989ء
تعلیم میٹرک
پیشہ زمیندارہ
فون نمبر 0345 8737623
جاہ پتہ مقبول آباد خانقاہ شریف تحصیل و ضلع بہاولپور
غزل
[لکھو | ماخذ وچ تبدیلی کرو]تیݙی سک دا جوں جوں اثر تھیندا ویندے
محبت دا اوکھا سفر تھیندا ویندے
جڳارے مریندن تے راتیں نی مکدیاں
اے دل لڳدے دردیں دا گھر تھیندا ویندے
میں خود آپ کوں اوپرا آپ لڳداں
تہوں اوکھا ہر ہک پہر تھیندا ویندے
جݙاں اپݨی صورت کوں اوڈھر کریندیں
ساکوں ایویں لڳدے قہر تھیندا ویندے
خوشی ساݙے ویڑھے دا راہ بھل ڳئی ہے
تے غم نال ساݙا حشر تھیندا ویندے
تیݙے ٻاجھ ایں ساکوں فرہادؔ لڳدے
اے دل ساݙا ݙکھدا نگر تھیندا ویندے