ظفر عمر
ظفر عمر، جنہیں کوں اردو دے پہلے جاسوسی ناول نگار دے طور تے ڄاݨیا ویندا ہے۔
ڄمݨ دی جاہ:
[لکھو | ماخذ وچ تبدیلی کرو]1884ء وچ تھانہ بھون، ضلع مظفر نگر (ہندوستان) وچ ڄمیے تھئے۔
تعلیم:
[لکھو | ماخذ وچ تبدیلی کرو]ایم اے او کالج علی گڑھ توں 1902ء وچ گریجویشن کیتی تے پہلی پوزیشن حاصل کیتی۔ اوہ کالج دی فٹ بال ٹیم دے کپتان وی ہَن۔
ملازمت:
[لکھو | ماخذ وچ تبدیلی کرو]نواب محسن الملک دے پرائیویٹ سیکرٹری بݨے، بیگم بھوپال دے وی پرائیویٹ سیکرٹری رہے تے والی بھوپال حمید اللہ خان دے اتالیق وی مقرر تھئے۔ ول محکمہ پولیس وچ سپرنٹنڈنٹ پولیس دے عہدے تے وی کم کیتا تے 1937ء وچ ریٹائر تھئے۔
خاندانی پس منظر:
[لکھو | ماخذ وچ تبدیلی کرو]انہیں دی دھی بیگم حمیدہ اختر حسین رائے پوری پاکستان دی ہک مشہور مصنفہ، افسانہ نگار، ناول نگار تے خاکہ نگار ہَن۔ اوہ اردو دے مشہور ادیب اختر حسین رائے پوری دی شریک حیات ہَن۔
ادبی زندگی:
[لکھو | ماخذ وچ تبدیلی کرو]ظفر عمر نے اپݨا پہلا جاسوسی ناول "نیلی چھتری" 1916ء وچ لکھیا۔ اوں نے علی گڑھ وچ اپݨی کوٹھی دا ناں وی "نیلی چھتری" رکھا ہئی۔ ایں ناول دی شہرت دے بعد اوں نے ٻئے وی کئی ناول لکھیے جنہیں وچ "بہرام کی گرفتاری"، "چوروں کا کلب" تے "لال کٹھور" مشہور ہن۔ ظفر عمر نے انگریزی زبان وچ ہک کتاب "دی انڈین پولیس مین" وی لکھی ہئی۔ اوں نے ہنگری دے پروفیسر وامبری دی کتاب "مغربی تمدن اور مشرقی ممالک" دے آخری باب دا اردو ترجمہ "مستقبل اسلام" دے ناں نال کیتا جیڑھا ٻہوں مقبول تھیا۔
تصنیفات :
[لکھو | ماخذ وچ تبدیلی کرو]- نیلی چھتری (1916ء)
- لال کٹھور
- چوروں کا کلب
- بہرام کی گرفتاری
- مستقبل اسلام (انگریزی توں اردو ترجمہ)
- دی انڈین پولیس مین (انگریزی وچ)
وفات:
[لکھو | ماخذ وچ تبدیلی کرو]4 دسمبر 1949ء کوں لاہور وچ وفات پاتی تے میانی صاحب قبرستان وچ دفن تھئے۔[١]