ظفر بھٹی
اصل ناں محمد ظفر
قلمی ناں ظفرؔ بھٹی
جمن 1950ء
تعلیم میٹرک، فاضل اردو
پیشہ ریٹائر ٹیچر
فون نمبر 03004078612
جاہ پتہ خیر پور ٹامیوالی،ضلع بہاول پور
ظفر بھٹی صاحب 20فروری 1950 ء کوں اکرام اللہ خان دے گھر خیر پور ٹامیوالی وچ پیدا تھئے،پڑھ لکھ کے عملی زندگی دا آغاز سکول ٹیچر دی حیثیت نال کیتا۔جتھوں تک آپ دی شاعری دا تعلق ہے تاں 1965 ء کنوں صاجزادہ ریاض رحمانی (مرحوم) دی راہنمائی وچ شاعری شروع کیتی،خوبصورت شاعری کریندن،آپ خیر پور ٹامیوالی دے نمائندہ شاعر ہن۔نمونہ کلام حاضرِ خدمت ہے۔
(1) غزل
[لکھو | ماخذ وچ تبدیلی کرو]کوئی سُتّی قوم کوں نندروں جگاوے رات ڈینہ
کوئی پینگھے حاکماندے کھڑ لُڈاوے رات ڈینہ
بے رُخی نے ساڑ چھوڑین ساہ سبھا دیاں ٹنگلیاں
بِرکدی اکھ ہنجھ دی جاہ ہُن رت وہاوے رات ڈینہ
کئی سجاکے نیناں والا ڈیکھے ہا زخمیجے بُت
کیویں اندھاں کوں بھلا کئی پھٹ ڈکھاوے رات ڈینہ
نیک دل کوئی فرشتہ بھیج ڈے دنیاں تے ہُن
روزی تیڈے ناں دی جیڑھا کھڑ ونڈاوے رات ڈینہ
باغ دا راکھا اُڈاوے جھار پکھیاں دی ظفرؔ
رزق دا پھَل ہیناں پالے ڈاڈھا کھاوے رات ڈینہ