ظفر اللہ جمالی

میر ظفراللہ خان جمالی پاکستان دا سابق وزیر اعظم ہا۔ ظفراللہ جمالی 1 جنوری 1944 کوں بلوچستان دے علاقے ڈیرہ مراد جمالی وچ پیدا تھیا ہا۔ ظفراللہ جمالی سینٹ لارنس کالج مری، ایچی سن کالج لاہور کنوں تعلیم حاصل کیتی۔ 1970 کنوں سیاسی پن٘دھ دا من٘ڈھ ٻدھا۔ 1982 وچ وزیر مملکت خوراک و زراعت بݨیا۔ 1986 وچ محمد خان جونیجو دی کابینہ وچ پاݨی تے بجلی دا وزیر ریہا۔ 1988 ول 1996 وچ بلوچستان دا نگران وزیر اعلیٰ بݨیا۔ 2002 دے انتخابات دے بعد 21 نومبر 2002 کوں وزیر اعظم منتخب تھیا۔ 26 جون 2004 کوں عہدے کنوں استعفیٰ ݙے ݙتا۔ میر ظفراللہ جمالی 2 دسمبر 2020 کوں 76 سال دی عمر وچ راولپن٘ڈی وچ فوت تھی ڳیا۔