ظفرؔجتوئی

اصل ناں    ظفر اقبٖال

قلمی ناں    ظفرؔ جتوئی

جٖمنْ        1949ء

جاہ پتہ      خان پورکٹورہ ضلع رحیم یار خان

غزل

توڑے معصوم ہے پر جٖانْدا ہے گر ستاونْ دے

نویں انداز ہوندن سانولے دے نت سہاونْ دے

اوندی خاطر اساکوں غیر دی چوکاٹھ چمنْی پئی

اساں نہ جٖانْدے ہاسے سلیقے سر جھکاونْ دے

اساں مجرم محبت دے تے بٖئے الزام اتر ہن

طریقے ہوں سکھئے ساکوں سبھے الزام چاونْ دے

اساکوں کرب دی کربل دے وچ چاتس قتل کیتے

مکانْی نین محشر تئیں منیسن سوگٖ ساونْ دے

ظفرؔ اے زعم نہ کر جو اساں ملزم نسے بنْدے

اوکوں وی ڈھیر ڈھنگ آندن تلّی تے جو جٖماونْ دے

٭٭٭