طوطا نامہ
سرائیکی زبان دی قدیم شاعری وچ طوطے نامے دا ٻہوں رواج رہے۔ ایں نظم وچ طوطے کوں دل دے احوال ݙے تے سڄݨاں تئیں سنیہے پُڄائے ویندن۔ طوطا نامے زیادہ تر نعتیہ تے عشقیہ ملدن۔ نور الدین مسکین دے نعتیہ طوطے نامے دے کجھ بند:
ٻولیں طوطا نال ادب دے
اڳوں میݙے شاہ عرب دے
صلی اللہ علیہ خوانی
آکھیں طوطا یار میݙے کوں
دل دے بھید ہُݨ ݙیواں کیکوں
توں ہیں واقف راز نہانی
وچ مدینے ہویوں یاقی
علوی خاکی سب مشتاقی
کنڈیں پھیر سمبھالو جانی
ساری خلقت عاجز ہوئی
مخلص تیں بِن ہور نہ کوئی
کرو مہر تے فیض رسانی
نور اللہ دا ذات رسولؐ اے
چھڈساں ناہیں دامن مول اے
میݙا دین یقین ایمانی
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان