طاہرہ مظہر علی

طاہرہ مظہر علی
طاہرہ مظہر علی
معلومات شخصیت
پیدائش	5 جنوری 1924ء لاہور
تاریخ وفات	23 مارچ 2015ء
قومیت	پاکستان
اولاد	طارق علی
والد	سکندرحیات خان
بھیݨ / بِھرا	شوکت حیات خان ،  بیگم محمودہ سلیم خان
عملی حیاتی
پیشہ	بائیں بازو کی سیاسی و سماجی کارکن
مہان٘درے کَم	رکن کمیونسٹ پارٹی آف پاکستان، ڈیموکریٹک ویمن ایسوسی ایشن کی بانی

طاہرہ مظہر علی (5 جنوری 1924ء - 23 مارچ 2015ء) بائیں بازو دی ہک پاکستانی سیاسی کارکن، خواتین دے حقوق دی مہم چلاوݨ والی تے بے نظیر بھٹو دی استانی ہَن۔ انھاں دے بچیاں وچ برطانوی پاکستانی سیاسی کارکن طارق علی، توصیف حیات تے آسٹریلیائی صحافی ماہر علی شامل ہن۔

ابتدائی اَتے پیشہ ورانہ حیاتی

طاہرہ، برطانوی ہندوستان دے شہر لاہور وچ پیدا تھئیں ہَن۔ انھاں نے اپݨی بنیادی تعلیم لاہور دے قوئین میری اسکول توں حاصل کیتی۔ انھاں دی شادی 17 سال دی عمر وچ تھئی۔ انھاں دے شوہر مظہر علی خان (1917 – 1993) پاکستان ٹائمز دے ہک صحافی تے ایڈیٹر ہَن تے سوشلسٹ جھکاؤ رکھدے ہَن۔ طاہرہ پنجابی سیاست دان تے برطانوی پنجاب دے سابق وزیر اعلیٰ سکندر حیات خان (1892 – 1942) دی دھی تے سردار شوکت حیات خان (1915 – 1998) تے بیگم محمودہ سلیم خان (1913 – 2007) دی نِکّی بھیݨ ہَن۔

طاہرہ اپݨے شوہر دے نال کمیونسٹ پارٹی تے پروگریسو پیپرز لمیٹڈ (پی پی ایل) دا حصہ ہَن۔ طاہرہ مظہر علی کوں جنرل محمد ضیاء الحق دی آمریت دی بھرپور مخالفت کرݨ تے جیل بھیج ݙتا ڳیا ہئی۔ اوہ خواتین دے حقوق دی جنگ کِیتے کارکناں دے احتجاج وچ شامل تھیوݨ والی پہلی خاتون ہَن، خواتین دے حقوق تے ضیا دے حملے دی مزاحمت کر رہی ہَن۔ اگرچہ اوہ ہک متمول خاندان وچ پیدا تھئیں ہَن، پر 60 سال توں زیادہ عرصہ تک مزدوری تے خواتین دے حقوق کِیتے سرگرم کارکن رہیاں ہَن۔ طاہرہ مظہر علی نے 1950ء وچ پاکستان وچ ڈیموکریٹک ویمن ایسوسی ایشن (DWA) تشکیل ݙتی۔ پاکستان وچ پہلی واری انھاں دی سربراہی وچ خواتین دا عالمی دن منایا ڳیا جتھاں کھلے عام توں مطالبہ کیتا ڳیا جو خواتین کوں مساوی حیثیت تے حقوق ݙتے ونڄن۔ زندگی دے آخری سالاں وچ انھاں کوں فالج دے حملے تھئے، جیندے نال اوہ جزوی طور تے مفلوج تھی ڳئیں ہَن۔ انھاں نے بہت ساریاں ممتاز پاکستانی خواتین دی استاد دی حیثیت نال خدمات انجام ݙتیاں۔

موت اَتے میراث

طاہرہ مظہر علی 23 مارچ 2015ء کوں لاہور وچ فوت تھئی۔ تجربہ کار پاکستانی صحافی تے انسانی حقوق دے کارکن آئی اے رحمان نے ڈان اخبار وچ انھاں کوں خراج تحسین پیش کریندے ہوئے آکھا جو اوہ "سچی کارکن" ہَن۔ تے انھاں نے ہندوستان تے پاکستان دے درمیان زنانیاں دے حقوق تے قیام امن دی کوششاں کِیتے انھاں دی خدمات دا ذکر کیتا ہے۔