طارق سرکار

لاثانی طارق سرکار مرشد طارق سئیں میڈی ماء بولی کوں اینجھی عزت بخشی ھے جیرھی امر تھی گئ ھے پیر فرید دی شاعری میں جھئیں ہزاراں عام بندیں کوں سمجھنڑ ءچ وقت لگدے پیر فرید میڈے وسیب دا معتبر حوالہ ہن انھیں دی شاعری دا ترجمہ کئ زبانیں ءچ کیتا گئے انھیں دے کلام کوں سمجھنڑ واسطے اردو دا سہارا گھنڑاں پوندے ۔اے میڈا ذاتی خیال ہے ۔ اگر طارق سئیں دی گال کراں تاں انھیں دا کلام ہک مال دے چھیڑو توں گھن کے پروفیسرز تک ہر بندے کوں ایویں لگدے جیویں اے میڈی گال ھووے میڈا قصہ ھووے ساڈے وسیب دا ہر رنگ اُو بھانویں تھل ہے روہی ھے دامان ھے ۔یا بیٹ ھے مال ھے منجھیں ہن جھوکاں ہن۔مال دی لکڑ ھے۔مٹیاں ہن ۔مال دے چنڑکے ہن ۔مسجد ءچ دڑکے ہن ۔ گل ءچ دول ہن ۔جھمر تاڑی ھے ۔چُپ کر کے روونڑ ہے ۔ چیڑیں دی دھاں ھے ۔کاں دا کرکار ھے۔بیٹ دیاں کاہیں ہن کُوندر ھے۔صدیاں توں دریا دی منڑ تے وسدے ٹوکرے بدھنڑیں کیہل ہن۔در در تے ہوکے ڈیندی ونگو وانڑی ھے اوندے سر تے رکھیا کھارا ھے۔ تھل دی ریت دیاں قسماں ہن ۔وسیب دے ہر رنگ دا معنی طارق سرکار ھے عجیب شخص ہا یا فقیر شخص ہا عام بندہ ہا یا قلندر ہا میڈی سوچ چھوٹی ھے ۔ ہک شخص کنڈیں دی سیج تے بیھ کے غُلاب دے پُھل کیویں ڈے سگدے جوان پتر دی لاش کوں مونڈھا ڈیونڑ دے باوجود بنھیں کوں پیار محبت دا درس کیوں ڈے گھندے ۔ میڈے وسیب کوں سنجانڑ ڈیونڑ آلا اوندیاں محرومیاں اوندیاں نشانیاں نشابُر کرنڑ آلا طارق سرکار میڈے رب دا ڈتا تحفہ ھے میڈی ماء بولی کوں اج جتناں مانڑ طارق سرکار تے ہے شاید کہیں تے ہوسی۔ دعا ھے رب سوھنڑے توں اللہ کریم انھیں دی قبر تے کروڑاں رحمتاں نازل کرے آمیں ثم آمین۔ دعا گو۔۔جمیل بلوچ

میکوں طارق موت لڈاونڑ آئ ایندے نال لڈاں تیڈا مال چھیڑاں