طارق جامی

اصل ناں    طارق بشیر

قلمی ناں    طارق جامیؔ

جٖمنْ        1952ء

وفات      1986ء

طارق جامیؔ یکم دسمبر 1952ء کوں ملتان اچ پیدا تھئے۔گورنمنٹ ہائی سکول عام خاص باغ ملتان توں میٹرک گورنمٹ ولایت حسین کالج توں بی اے تے ول 1973ء اچ گورنمنٹ کالج بوسن روڈ توں ایم اے اردو دی ڈگری حاصل کیتی۔ایندے بعد کجھ عرصہ سعودی عرب وی رہ گٖئے۔17اگست1986ء کوں ہک ٹریفک حادثے وچ آپ دا انتقال تھی گٖیا ۔طارق جامیؔ کوں بے وقتی موت ساڈٖے کولوں نکھیڑ گھدا پر ادب دے میدان اچ اوہ اپنْے قدمیں دے نشان ہمیشہ واسطے چھوڑ گٖئے۔

نمونہ کلام!

؎حیاتی پندھ ڈٖکّھاں دا اے جامیؔ ٹورا پھیرا ہے

اساں سارے مسافر ہیں تے جگٖ وستی ہے اوڈٖاندی

؎وستی دے لوکاں دا وی اجٖ حال ہے شہراں والا

سبھے سونہے ہن پر کہیں نہ میڈٖی شکل سنجٖاتی

؎ڈٖکھ دی راہ تے وگٖ تے آیاں

ایویں میں ایں جگٖ تے آیاں

توں تاں ڈٖیکھ تے نوٹ نہ اکھیں

میں تاں تیڈٖے تگٖ تے آیاں

٭٭٭