طارق تے خواجہ فریدؒ
طارق سرکار وڈے شاعر ہن یا خواجہ غلام فرید اے تاں وقت فیصلہ کریسے پر ایں پوسٹ تے دلی افسوس تھئے. یار طارق سرکار دی جتنی تعریف کر سگدے وے کرو کوئی نی روکیندا پر اے کیڑھا طریقہ ھے تعریف دا جو بھائی خواجہ صاحب کنوں طارق صاحب وڈا شاعر ھے.
وڈا چھوٹا شاعر نی ہوندا
خیال ڈیکھیجے خیال کریجے
حال دے نقش لیکجن تائب
قلم دے نال کمال کریجے
یار شاعر کڈاہیں وڈا چھوٹا کینی ہوندا خیال وڈا یا چھوٹا ہوندے ہنڑ اگر خواجہ صاحب دی شاعری یا خیال ساکوں سمجھ نی آمدا تاں ساڈا مسئلہ ہے اوں ویلھے سرائیکی دا ایہو لب و لہجہ ھا خواجہ غلام فرید سرکار دی شاعری تصوف ھے جیکوں آج وی بلھے شاہ عبداللطيف بھٹائی بابا فریدالدین گنج شکر میاں محمد بخش شاہ حسین اور سلطان باہو جئیں صوفی شعراء دی صف وچ اعلی مقام ڈتا ویندے اور ہر صوفی گلوکار انہاں دا کلام گمدے. عابدہ پروین دا پسندیدہ صوفی شاعر ھے آج اگر انڈیا وچ وی صوفی محفل سماح ہوندی ھے تاں خواجہ صاحب دے قلم وچوں لکھی سرائیکی چلدی پئی ہوندی ھے طارق صاحب ساڈی نگاہ وچ اعلی مقام دے شاعر ہن پر اساں کہیں ڈینہہ طارق سرکار دا یا خواجہ صاحب دا موازنہ نی کیتا.
ھا البتہ اگر ڈوہڑے دے وچ طارق سرکار کوں ہک منفرد پزیرائی ملی ہے تاں او گال ہر کئی منیدے. مشاعرہ وچ ہک بندہ امان اللہ ارشد سئیں نال بہوں انس محبت رکھینداں ھا اور او ھا وی شاعر سٹیج تے آیا تے آہدے امان اللہ ارشد سئیں ساڈی دھرتی دے سب توں وڈے شاعر ہن اور میں سمجھداں جو ہک پاسے امان اللہ ارشد سئیں ھووے تے ڈوجھے پاسے چار انصر بخاری ھوون ول وی امان اللہ ارشد سئیں دی شاعری عظیم ھے اور مزے دی گال اے ھے جو پہلے امان اللہ ارشد سئیں دی اصلاح انصر بخاری صاحب وی کریندے رہے گے ہن یعنی ارشد صاحب دے استاد ھن. بس اوں شخص دے اے لفظ آکھنڑ ہن تے ارشد سئیں سٹیج تے آ تے فرمیندن جو بھائی دیوانے دی گال ذہن وچ کینی رکھیندی اے بندہ دیوانہ ھے اگر اے گال طارق سرکار کوں وی آکھو ھا تاں او ایہو آکھن ھا جو خواجہ سرکار ساڈے توں زیادہ عظیم الشان ہن اور طارق صاحب دے کلام وچ کئی دفعہ خواجہ سرکار نال عقیدت ظاہر تھئ کھڑی ھے.
مہربانی کر تے جذباتی تھی تے اینجھی کوئی پوسٹ نہ لاتی کرو جیندے وچ کہیں کوں وڈا کرنڑ دی خاطر بے کوں چھوٹا کیتا ونجے.
رفیق احمد تائب