طارق اداس

اصل ناں       محمد طارق

تخلص          اداسؔ

ڄمݨ           1975ء

تعلیم          میٹرک

پیشہ           ’’معذور‘‘

فون نمبر        0305 6577403

جاہ پتہ       نزد ریلوے اسٹیشن درکھانہ ضلع خانیوال

غزل

نہ کوڑیاں قسماں چایا کر

نہ جاہ جاہ تے دل لایا کر

نہ نکلیا کر توں بݨ ٹھݨ کے

نہ پاڳل شہر بݨایا کر

نئیں لبھدا مرہم زخماں دا

نہ نیناں تیر چلایا کر

ایہ جوبن اوڑک ڈھل ونڄݨے

نہ نخرے ڈھیر ݙکھایا کر

اے دنیا طارقؔ فانی ہے

توں اپݨاں من سمجھایا کر

؎سڄݨاں نال تاں باغ بہارے

دل کوں ملدا چین قرار اے

دل جو ہجر اچ سڑدا ہووے

دید سڄݨ دی ݙیندی ٹھار اے