ضمنی قصے
قصولی گو کرداریں کوں اڳوں ٹورݨ تے دلچسپی پیدا کرݨ سانگے جیڑھے مسائل پیدا کریندے ولا مافوق الفطرت عناصر دی مدد نال انہیں مسئلیاں کوں حل وی کریندے ۔ قصولی گو اپݨے قصیاں وچ ضمنی قصیاں دا ورتاوا ایں ڈھنگ نال کریندے جو اصل کہاݨی وچ کوئی فرق نئیں آندا ۔ ݙوجھا مقصد المیہ تاثر کوںکجھ دیر کیتے تروڑݨ ہوندے تاں جوسُݨݨ آلے اکتاہٹ محسوس نہ کرن ایندے توں انج خواب ناک کیفیت دا ورتاوا وی کیتا ویندے مثلاً کہاݨی وچ جے کوئی مر ونڄے تاں ایجھیاں ٻوٹیاں ڳولیاں ویندن جنہاں دے سنگھاوݨ نال او دوبارہ جی پوندے۔ اُݙݨ آلے قالین نظردن تے جن بھوت بندیاں دے قبضے وچ ہوندن ۔ انہاں مافوق الفطرت واقعات کوں قصہ گو اپݨے سحر انگیز بیان تے واقعاتی گُنجل نال ایں پیش کریندے جو او ساکوں اوپرے نئیں نظردے بھل او ایں فطرتی حیاتی دا حصہ نظردن ۔
حوالہ
[لکھو | ماخذ وچ تبدیلی کرو]سرائیکی لوک قصیاں دے کردار، مصنف : شہزاد اسد خان لغاری ، ناشر: جھوک پرنٹرز ملتان