ضروری اعلان
ہک ضروری اعلان "اعلانِ بنگلہ کورائی دے پہلے کٹھ ءچ تمام سرائیکی اگوانْاں دے متفقہ فیصلے دی مطابق "سرائیکی لوک سانجھ" وسیب ءچ سرائیکی حقوق دے حصول دی خاطر سیاسی ثقافتی شعوربیدار کریسی ۔ اے ہک آزاد تنظیم ہوسی جیہڑھی پاکستان دی کہیں وی چھوٹی وڈی سیاسی تنظیم دی بانہہ بیل یا ذیلی تنظیم نہ ہوسی نہ ء کہیں سیاسی پارٹی دے سیاسی اجنڈے کوں پروموٹ کریسی البتہ سرائیکی وسیب ءچ موجود سرائیکی حقوق دی بحالی وستے انھاں سیاسی گروپس تنظیماں یا پارٹیاں کوں مکمل سپورٹ تے تعاون ڈیسی جیہڑھے خالصتاََ سرائیکی قومی حقوق، سرائیکی صوبہ دے قیام کیتے سیاسی جدوجہد جاری کریندے پئے ہوسن "۔۔۔۔۔ اساں سارے وسیب ءچ سرائیکی لوک سانجھ دے بنیادی ممبرز ہیں تے اعلان بنگلہ کورائی آیئن دے سیگنیٹری ہیں۔ سرائیکی لوک سانجھ دے آئیں دی ایں واضاحت دے بعد کوئی شک نئیں جو سرائیکی عوام دا احتجاج مقامی زباناں دے حقوق دی معطلی دی ذمہ دار پیپلزپارٹی دے خلاف ہے۔ جئےسرائیکی ------- سرائیکی عوام دے قومی حقوق دی جدوجہد رنگ گھن آسی تے سرائیکی صوبہ ضرور بنْسی ۔۔۔۔۔
شہزاد عرفان (٢٠١٧ـ٥ـ١٨)