صوفیہ کمال

صوفیہ کمال
(بنگالی میں: সুফিয়া কামাল)
معلومات شخصیت
پیدائش	20 جون 1911ء   بریشال
وفات	20 نومبر 1999ء (88 سال)  ڈھاکہ
شہریت	عوامی جمہوریہ بنگلہ دیش برطانوی ہند پاکستان
اولاد	سلطانہ کمال
عملی زندگی
پیشہ	شاعرہ ،  مصنفہ ،  صحافی
مادری زبان	بنگلہ
پیشہ ورانہ زبان	بنگلہ
اعزازات
بنگلہ اکادمی ادبی ایوارڈ  اعزاز یوم آزادی  اکوشی پادک

بیگم صوفیہ کمال 20 جون 1911ء کوں ڄَمّیاں۔ انّھاں دا انتقال 20 نومبر 1999ء کوں تِھیا۔ اوہ ہِک بنگلہ دیشی شاعرہ تے سیاسی کارکن ہَن۔ انّھاں نے 1950ء دی بنگالی قوم پرست تحریک وِچ وݙا حصہ گِھدّا تے اوہ پہلی زنانی ہَن جنّھاں دی وفات دے بعد بنگلہ دیش وِچ سرکاری طور تے آخری رسومات ادا کِیتیاں ڳئیاں۔

ابتدائی زندگی

صوفیہ کمال دی پیدائش باریال دے شہرستان آباد وِچ تِھئی۔ انّھاں دے ٻالپݨ وِچ زنانیاں دا تعلیم حاصل کرݨ منع ہئی تے انّھاں دا گھرانہ وی زنانیاں دی گھر توں ٻاہر تعلیم حاصل کرݨ دا متحمل کائنی تِھی سڳدا ہئی۔ اِیہو وجہ ہئی جو انّھاں نے آپݨے گھر دے استاداں توں بنگالی، ہندی، اردو تے عربی سِکھّی۔ 1918ء وِچ اوہ آپݨی ماں دے نال کولکاتا ڳئیاں جِتھاں اوہ بیگم روکیہ نال مِلݨ آئیاں۔ انّھاں دی پہلی شادی 11 سال دی عُمر وِچ انّھاں دے کزن سید نہال حسین نال تِھئی۔ انّھاں دے شوہر دا انتقال 1932ء وِچ تِھیا۔ پنج سال دے بعد صوفیہ نے کمال الدین احمد نال ݙوجھی شادی کِیتی۔ کمال نال انّھاں دیاں ݙو ڄائیاں سلطانہ کمال تے سیدہ کمال تے ݙو پُتر شاہد کمال تے ساجد کمال ڄَمّے۔ 1931ء وِچ اوہ ہندوستانی زنانیاں فیڈریشن دی رُکن بݨݨ والی پہلی بنگالی مسلمان زنانی بݨ ڳئیاں۔

ادب

ہِک مختصر کہانی "شانک بوڈھو" جیڑھی صوفیہ کمال نے لِکّھی، اوہ 1923ء وِچ ہِک مقامی مقالے وِچ شائع تِھئی۔ 1937ء وِچ انّھاں نے آپݨیاں مختصر کہانیاں دا پہلا مجموعہ "کیئیر کانٹا" (کیا دے رُکھ دے کانٹے) شائع کِیتا۔ انّھاں دا ادبی کیریئر انّھاں دی پہلی شاعری اشاعت دے بعد شروع تِھیا۔ انّھاں دی پہلی نظم "سنجیر مایا" (شام دا جادو)، 1938ء وِچ سامݨے آئی۔

سرگرمیاں

تقسیم ہند دے بعد اِیہو سال اکتوبر وِچ اوہ ڈھاکہ آئیاں۔ اُوݨ وَخت ہندو تے مسلماناں دے درمیان ہِک زبردست تصادم دا دور دوراہ ہئی جیندے دوران کمال نے انّھاں دی دوستی کِیتے کم کِیتا تے امن کمیٹی وِچ شامل تِھی ڳئیاں۔ 1948ء وِچ، جݙاں پوربو پاکستان موہلہ کمیٹی بݨی تاں اوہ اِیندے چیئرمین بݨ ڳئیاں۔ صوفیہ دیاں سرگرمیاں لینگویج موومنٹ دے نال 1952ء وِچ جاری رہیاں۔ 1961ء وِچ، جݙاں پاکستانی حکومت نے رابندر سنگیت (رابندر ناتھ دے گانے) تے پابندی لائی، تاں اوہ بنگالیاں دے درمیان اِیں تحریک وِچ شامل تِھی ڳئیاں جیڑھی 1961ء وِچ شروع تِھئی ہئی۔ بعد دی حیاتی وِچ، انّھاں نے زنانیاں دے حقوق کوں آپݨی اولین ترجیح بݨایا تے بنگلہ دیش دیاں زنانیاں دی سب توں وݙی تنظیم، خواتین پریشد دی سربراہی کئی سالاں تک کِیتی۔ اوہ زنانیاں تے تِھیوݨ والے ظلم کوں بنیادی طور تے ہِک طبقاتی مسئلہ کائنی سمجھدیاں ہَن۔ اوہ برک (1972ء–1980ء) دی پہلی چیئرپرسن وی ہَن۔

ایوارڈ

• بنگلہ اکیڈمی ادب برائے ایوارڈ 1962ء
• لینن صد سالہ جوبلی میڈل 1970ء
• سوویت یونین سے ایکوشی پڈک 1976ء
• چیکوسلوواکیا میڈل 1986ء
• جتیو کبیٹا پریشد ایوارڈ 1995ء
• بیگم روکیہ میڈل 1996
• دیشبندھو سی آر داس گولڈ میڈل 1996ء
• یوم آزادی ایوارڈ 1997ء