صوفیانہ شاعری دا اثر

اُستاد سئیں ݙسیندے ہَن جو بزرگیں دی شاعری ءِچ ایں سانگے اثر اے جوانسان دوستی دی ڳالھ کریندے ہَن جو آپ وݙے انسان دوست ہَن ، آکھدن پیر کنے مائی دُعا کراوݨ آئی جو میݙا پُتر ڳڑ کھمدے ، دُعا کرو جو ڳڑ تھولا کھاوے ، پیر سائیں آکھیا مائی فزریں آویں ، مائی ٻے ݙینھ آئی ، پیر ڳڑ پڑھ ݙتا ۔ مائی  آکھیا جو کل کیوں ولایا ہاوے ۔ پیر سئیں آکھیا کل میں آپ ڳڑ کھادی ٻیٹھا ہم ۔

میݙے اُستاد قیس فریدی سئیں ایجھیاں ڳالھیں سُݨیندے ہَن تے اَکھیندے ہَن جو اَڄ دا مولوی ٻے کوں نصیحت کریندے ، آپ عمل نی کریندا ۔ او سمجھدے جو شئت میں اُچی شئے آں پر اُچی او ذات اے جو تکبر آلے شیطان دا وی مڑکا بھن سٹیندی اے ۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان