صوبہ ملتان ( Sūbāh-e-Multān) مغلیہ سلطنت دا ہک اہم صوبہ ہائی۔ ایہ ہندوستان دے ٻارھاں مغل صوبیاں وچ شامل ہائی ، جہڑا مغرب آلے پاسوں ہندوستان دا پہلا صوبہ ہائی ، پشتونستان تے بلوچستان دے علاقیاں دے کچھ حصیاں دی طرف پھیلیا ہويا ہائی ، صوبہ قندھار تے فارسی صفوی سلطنت توں ملحق ہائی ۔ ایہ سلطنت مغلیہ دے سب توں وݙے تے اہم صوبیاں وچوں ہک ہائی ۔ ایں صوبے کوں درانی سلطنت نے 1752ء چ الحاق کرگھدا ، علی محمد خاکوانی ایندا پہلا درانی گورنر ہائی ۔
صوبہ ملتان دی سرحداں شمال وچ لاہور صوبہ تے کابل صوبہ ، مغرب وچ صفوی سلطنت تے کچھ عرصے تک قندھار صوبہ ، مشرق وچ اجمیر صوبہ تے دہلی صوبہ تے جنوب وچ ٹھٹھہ صوبہ ہَن ۔
ملتان وچ ہاکڑا تہذیب ٣٣٠٠ ق م کنوں ٦٠٠ ق م تک مقامی حکومت رہی ہے۔ ایہ علاقہ آزاد تے خود مختیا ہا۔
دارا اعظم ٥٢١ ق م توں ٤٨٦ ق م (دریا چنانہہ دے پار دا علاقہ)، باقی سارے علاقے وچ ملتان دی حکومت ہائی۔
سکندر دا حملہ ٣٢٦ ق م
موریا سلطنت ٣٢٠ق م توں ١٨٥ ق م، چندر گپت موریا پہلا بیرونی حکمران ہائی۔
ہند یونانی سلطنت ٢٠٠ ق م توں ١٠ ء
١٩ء توں ١٠٠ء ہند-پارتھی سلطنت
کنشکا ، کوشان سلطنت۔ ١٢٧ء توں ١٥٠ ء
کوشان ٢٤٠ء تائیں
صوبہ ہند (ساسانی) ٣٢٥ء توں ٤٨٠ء، ملتان توں جنوب تے مغرب وچ تے صوبہ سندھ وچ
گپتا، ٣٢٠ء توں ٤٥٠ء
الخُون ہُن، تورَمان ٤٨٠ء توں ٥١٥ ء
الخُون ہُن، مہرا کولا ٥٢٠ء توں ٥٤٠ ء
٤٨٥ء کنوں ـــ ٦٣٢ء رائے خاندان
رائے سہارس ݙو ٥٥٠ء توں ۔۔۔۔
رائے سہاسی ݙو ۔۔۔۔ توں ٦٣٢ء
٦١٠ء کنوں ٦٢٦ء تائیں ملتان تے ساسانیاں دا قبضہ ریہا تے نوشیرواں دے پوترے خسرو پرویز نے ملتان وچ سونے تے چاندی دے سکے ڈھالے۔ ٦٦٨ء وچ راجا چچ حملہ کیتا تے اتھوں دا حاکم بݨا مگر راجا چچ دے حملے توں پہلے اتھاں ہک چینی سیاح ’ہیون سانگ‘ آیا۔ اُوندا سفرنامہ ہند، سندھ دی تاریخ کیتے کہیں خزانے کنوں گھٹ کائنی۔راجہ چچ ٦٣١ء توں ٦٧١ ء
راجہ چندر ٦٧١ء توں ٦٧٩ء (گوڑا سنگھ ٦٧١ء توں ٧١٤ء گورنر ملتان)
مغل دورِ حکومت وچ خطہ ملتان نے 200 سال تک امن دا لطف چاتا، جݙاں ایہ شہر "دارالامان" دے ناں نال مشہور تھیا۔ مغل دور وچ ملتان زرعی پیداوار تے سوتی کپڑے دی تیاری دا ہک وݙا مرکز ہا۔ ملتان وچ مغل دور وچ کرنسی ٹکسال (منٹ) وی قائم ہئی۔ ایہ شہر اونویں تک ہک اہم تجارتی مرکز ریہا، جے تائیں جو مغل دور دے بعد 18ویں تے 19ویں صدی وچ شہر تے بار بار حملے نہ تھئے تے اینکوں تباہ نہ کر ݙتا ڳیا۔ ایں دے بعد ملتان دے ٻہوں سارے تاجر سندھ وچ شکارپور چلے ڳئے تے 19ویں صدی تک پورے وسطی ایشیا وچ پھیل ڳئے۔ مغل دور وچ ملتان ٻہوں سارے تجارتی اداریاں دے دفاتر دا مرکز ہا۔
