صوبہ بہاولپور دا شوشہ

زردار صاحب دی بہاولپور صوبہ بحالی تحریک دی مکمل حمایت دا اعلان

تحریر شہزاد عرفان پیارے لوک سانجھیو تے میݙے ہاں دے گوشے پیپلزپارٹی دے سرائیکی جیالیو۔۔۔۔۔۔ اڄ پاکستان دے تمام قومی اخباراں ءچ اے خبروڈی سُرخیاں نال چھپی ء جو زرداری صاحب نے بہاولپور صوبہ بحالی تحریک دی حمایت کرڈتی ء۔ ہک ہفتہ پہلے میں فیس بک تے ایہا نیوز بریک کیتی ہائی جو جناب آصف زردای صاحب نے سرائیکی صوبہ دی مخالفت کریندے ہوئے، بہاولپور صوبہ بحالی تحریک دے لیڈر جناب مجتبی احمد خان رند صاحب نال اسلام آباد اپݨے گھر سڈوا تے تفصیلاََ ملاقات کیتی تے اپݨی مکمل حمایت دا یقین ݙیوایاـ میݙی ٹائم لائین ݙیکھ سگدے وے۔ ایں خبر دی تصدیق تے وت اپݨی لیڈرشپ نال اختلاف تے احتجاج کرݨ دی بجائے دوستاں جیالے ساتھیاں میکوں بُرا بھلا آکھیا ۔ انتہائی اہم ڳالھ ھُݨ وی ایہا ہے جو سرائیکی وسیب نال سرائیکی لوکاں نال تھیندا کیا پئے ۔ آخر اے سبھو کُجھ اچانک تے خودبخود تاں نئیں تھیندا پیا۔ ۔ مسلم لیگ یا تحریک انصاف یا کوئی بئی مذہبی جماعتاں ڄیڑھے جو اقتدار ءچ ہن اے دشمنی کرن تاں دشمنی سمجھ آندی ء جو اے دراصل اسٹبلشمنٹ دی پارٹیاں ہن سرائیکی دشمن ہن ، پر جیکر اے بی بی شہید دی پیپلز پارٹی ء تے او کیویں الیکشن دے اتنے قریب آتے اپݨے سرائیکیاں نال اتنا وݙا ہتھ چا کرے جو ہک ہفتہ پہلے سینٹ ءچ بھرپور اکثریت ہوݨ دے باوجود سرائیکی زبان دی پاڑ قانونی تے آئینی طور تے پٹ تے ولدا ڈکار ءی نہ مارے، وسیب ءچ احتجاج تھیوے اوندے کیتے بے معنی ہو وے معذرت تا دور اپنْی بھونڈی حرکت تے عوام کوں وضاحت وی نہ ڈیوے ۔۔۔ وت ہالی ݙُکھ دے ھنڄوں نہ مُکے ہن اُتوں سرائیکی دُشمنی دا اینجھا بیا وار جو سرائیکی قوم کوں تقسیم کرݨ سانگھے، پنجاب دی موجودہ طاقت کوں برقرار رکھݨ کیتے، پنجاب ءچ مِنی پنجاب بݨاتے ریاست ءچ آبادکاراں کوں سیاسی طاقت تے سرائیکی کوں نسلاََ انھاں دا غلام بݨاوݨ کیتے بہاولپور صوبہ بحالی دی اینٹی سرائیکی سازش کو پیپلزپارٹی اپݨے ڳل دا ہار بݨا تے اسلام آباد ءچ نچدی پھرے ۔۔۔۔ بی بی تے زیڈ بھٹو دی سیاسی افکار تے عوامی مینڈیٹ کوں اینویں نِند تے رکھ ڈیوے۔ کوئی پُچھے جو اے کیا ء تے " شاہ توں پہلے شاہ دے ٹٹے" ( شٹٹے)جواب ڈیون پئے ونجن جو ایں نئیں تے ایں ہے ، او نا ہا تے اے ہا، ایں نہ ہوسی تا اوں ہوسی وغیرہ وغیرہ ۔۔۔۔۔۔۔ہُنْ اے دانش دانی ءچو نکی جہئیں دانش بازی بند کرتے عوام کوں سرائیکی کاماسوترا سکھاونْ دی بجائے ونج تے زرداری صاحب دے حضور پیش تھی تے اےنہ پچھو جو بیا حُکم سئیں بھل اے پچھو جو سئیں اج سرائیکی عوام ءچ سرائیکی صوبے دی امید روشن ء تے پیپلزپارٹی پنجاب دی اشرافیہ تے پنجابی اسٹیبلشمنٹ دی لونڈی بݨ کیوں نچدی کھڑی ء ؟ تے سرائیکیاں پیپلزپارٹی دا یا زرداری صاحب دا کیا قصور کیتے جو تساں پنجابی اسٹبلشمنٹ دا حکم من تے سرائیکی دشمنی تےلہہ آئے وے؟ ۔ کوئی نویں ڳالھ ہے ضرور پیپلز پارٹی ءچ اندر خانہ کیا چلدا پئے کوئی تاں ڈساوے جیہڑے روز سرائیکی کوں علم سیاست دا بھاشݨ سُݨیندے ہو پی پی پی دی حمائیت ءچ ۔۔۔۔ سرائیکی تاں کل وی سرائیکی ہائی اڄ وی ہے تے اڳوں تے وی رہسی ۔اساݙی سیاسی جدوجہد دی سیاسی تحریک ہے کوئی سیاسی پارٹی دا اسٹبلشمنٹ نال حصول اقتدار دا کوئی اندر خانہ خفیہ سمجھوتہ تے ڈیل نئیں جو اللہ وسطے ہک واری بئی کرسی جھوٹݨ ݙیو جو آکھیسوں کریسوں تے بھانویں وقت آوݨ تے بی بی بھٹو کوں غدار جوآکھݨاں پیا اکھیسوں ٻس ہک واری ٻیا جھوٹا سَر ، اسان توهان جي ٻانھي، سر ۔۔

شہزاد عرفان