صنفی مساوات
صنفی مساوات یا جنسی برابری (انگریزی: Gender Equality) دا تصور دا مقصد سیاست تے عوامی زندگی وِچ زنانیاں دے نال امتیازی سلوک دا خاتمہ ہے۔ اِیندے وِچ زنانیاں دے ووٹ ڈاوݨ، عوامی عہدہ سنبھاوݨ تے عوامی کم انجام ݙیوݨ دے حقوق دی ضمانت شامل ہے۔ زنانیاں کوں بین الاقوامی سطح تے اپݨے ممالک دی نمائندگی کرݨ دے برابر حقوق کوں یقینی بݨاوݨ وی ہک اہم نکتہ ہے۔ ملک دی عوامی تے سیاسی زندگی نال متعلق تنظیماں تے انجمناں وِچ عورتاں کوں برابر دی شرکت کوں یقینی بݨایا ویندا ہے۔ اِیہ تنظیماں اعلیٰ سطح دے عہدیاں تے زنانیاں دی شرکت وڌاوݨ کِیتے کم کریندیاں ہن۔ معاشرتی، ثقافتی، معاشی تے سیاسی نمائندگی سمیت زندگی دے ہر شعبے وِچ زنانیاں کِیتے جتھاں ضروری ہووے یا تاں ہک کوٹا نظام متعارف تھیندا ہے یا نمائندگی اِیں درجے تے ہوندی ہے جو نابرابری دا شائبہ نی رہندا۔[١]
جدید دور وِچ زنانیاں دا مرداں دے شانہ بہ شانہ ہووݨ
[لکھو | ماخذ وچ تبدیلی کرو]جدید دور وِچ ہر شعبے وِچ زنانیاں مرداں دے شانہ بشانہ ݙکھائی ݙیندی پئیاں ہن۔ اَڄ دی حالت اِیہ ہے جو جہاز اُڑاوݨ توں لے کے آٹو ڈرائیونگ کرݨ دا کم وی اوہ انجام ݙیندی پئیاں ہن[٢]۔ بھلے ہی کتھائیں اوہ تناسب وِچ گھٹ ہوون۔ تعلیمی، سیاسی، معاشی تے سماجی شعبے وِچ غرض ہر شعبہ حیات وِچ زنانیاں اپݨی لازمی موجودگی دا احساس ݙیوا رہیاں ہن۔ سیاسی میدان وِچ اندرا گاندھی، بے نظیر بھٹو، شیخ حسینہ واجد، انجیلا مارکیل تے کئی زنانیاں ملکاں دی سربراہی وی کر رہیاں ہن۔ کئی بینکر، پالیسی ساز یہاں تک جو فوجی نمائندگی وی عورتاں کوں حاصل ہے۔