صفدر علی پوری
اصل ناں محمد صفدر
قلمی ناں صفدر ؔعلی پوری
ڄمݨ 1980ء
تعلیم ایم اے
پیشہ ٹیچنگ
فون نمبر 0308 2718171
جاہ پتہ موضع مکول ہڈیر تحصیل علی پور ضلع مظفرڳڑھ
(1)غزل
[لکھو | ماخذ وچ تبدیلی کرو]جی ݙکھیجے ہا مر ݙکھیجے ہا
ہجر تیݙا ہُنر ݙکھیجے ہا
رنگ بھلدے ویندن حیاتی دے
کوئی تتلی دا پر ݙکھیجے ہا
کھل ݙکھیجے ہا روندے چہرے تے
کھلدے چہرے تے ݙر ݙکھیجے ہا
وانگ ساجد دے شعر تھیون ہا
سوچ تیݙا سفر ݙکھیجے ہا
کلھا جنگل دو ہتھ کریندا ہا
اڄ تاں رُل ڳئے دا گھر ݙکھیجے ہا
جیویں پتھر مزاج ہے صفدرؔ
خود کوں کر تے پتھر ݙکھیجے ہا