صغرہ امام

صغرہ امام
معلومات شخصیت
پیدائش	14 نومبر 1972ء (53 سال)  لاہور
شہریت	پاکستان
عملی حیاتی
مادر علمی	ہارورڈ یونیورسٹی
پیشہ	سیاست دان

سیدہ صغرہ امام (اردو: صغرہ امام، انگریزی: Sughra Imam) (جنم: 14 نومبر 1972ء) ہک پاکستانی سیاست دان ہن جیڑھی پاکستان پیپلز پارٹی نال تعلق رکھدی ہن۔ مارچ 2009ء تے مارچ 2015ء دے وِچالے وچ پنجاب توں انّھاں نے زنانیاں کِیتے مخصوص نشست تے سینیٹر دی حیثیت نال خدمات انجام ݙتیاں۔

ابتدائی حیاتی اَتے تعلیم

سیدہ صغرہ امام 14 نومبر 1972ء کوں پاکستان دے شہر لاہور وچ ڄَمّی ہن۔ انّھاں دا تعلق ہک سیاسی گھرانے نال ہئی۔ اوہ ݙو سیاست دان، سید فخر امام تے سیدہ عابدہ حسین دی بیٹی ہن۔ سیدہ صغرہ امام نے اپݨی تعلیم ہارورڈ یونیورسٹی توں حاصل کیتی۔

سیاسی حیاتی

فارغ التحصیل تھیوݨ دے بعد، سیدہ صغرہ امام نے امریکا وچ کم کیتا تے اقوام متحدہ دے ترقیاتی پروگرام تے ٻیا غیر سرکاری تنظیماں دے مشیر دی حیثیت نال کم کیتا۔ انّھاں نے 1998ء توں 1999ء دے دوران جھنگ دے ضلع کونسل دی چیئرپرسن دی حیثیت نال خدمات انجام ݙتیاں تے عام انتخابات 2002ء وچ پنجاب دی صوبائی اسمبلی دی رکن منتخب تھئی ہن۔ اوہ ݙو واری پاکستان پیپلز پارٹی توں پنجاب دی صوبائی اسمبلی دی رکن منتخب تھئی ہن۔

سیدہ صغرہ امام 24 نومبر 2003ء کوں وزیر سماجی بہبود مقرر تھئی ہن تے 18 جون 2004ء کوں انّھاں نے استعفیٰ ݙے ݙتا۔ انّھاں دے نانا کرنل سید عابد حسین وی سیاست دان ہن جنہاں دا تعلق مسلم لیگ نال ہئی۔ انّھاں دے نانا نے قائد اعظم محمد علی جناح دی سربراہی وچ دہلی دی پارلیمنٹ وچ پاکستان مسلم لیگ دی نمائندگی کیتی۔