صدیق فقیر سومرو

صدیق فقیر سومروڈھورونارو ضلع تھر پارکر دے رہݨ والے ہن۔ میر حسان الحیدری آپ دی تاریخ پیدائش 1170ء مطابق 1756متعین کیتی اے۔(57)جبکہ غلام احمد بدوی 1166مطابق 1752ݙسیندن۔ آپ دی وفات 1265مطابق 1848تھئی آپ سومرو خاندان دے فرد ہن ۔ صادق تخلص کریندے ہن۔ بعد وچ آپ کچھی توں نقل مکانی کرتے تھرپاکر ونڄ آباد تھئے۔ اتھاں جھوکے شاہ عنایت دے ہتھ تے بیعت تھئے ۔ آپ صوفی روحل فقیر دے پیر بھائی ہن۔ آپ سرائیکی زبان وچ شاعری کیتی ہے کلام وچ سادگی تے چس وی ہے۔

ساتھی پاندھی چھوڑ ڳئے چھوڑ ڳئے ملک دے راجا

سے بھی چھوڑ ڳئے صادق پیر پیغمبر خواجا

صورت رانجھے والی نت بلندی وچ بیلے

ہیر بچاری کیا کرے عشق تتی دل بھیلے

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان