صحرائے اعظم

صحرائے اعظم یا صحارا دنیا دا سب توں وݙا صحرا ہے جیندا رقبہ 9،000،000 مربع کلومیٹر (35 لاکھ مربع میل) ہے جیہڑا تقریباً امریکہ دے کل رقبے دے برابر ہے۔ صحرائے اعظم شمالی افریقا وچ واقع ہے۔ انگریزی وچ اینکوں Sahara آکھا ویندے جیہڑا دراصل عربی لفظ "صحرا" دی جمع ہے۔ صحارا دا علاقہ ہر 20 ہزار سال بعد 6 ہزار سال دے کیتے ہرا بھرا تھی ویندے۔ ایویں ایں کیتے تھیندے کہ زمین دا محور خود 26 ہزار سال وچ ہک چکر مکمل کریندے جینکوں Apsidal precession آہدن۔

Sahara satellite hires

صحرائے اعظم دے مغرب وچ بحر اوقیانوس، شمال وچ کوہ اطلس تے بحیرہ روم، مشرق وچ بحیرہ احمر تے مصر، جنوب وچ دریائے نائجر دی وادی تے سوڈان واقع ہن۔ صحرائے اعظم مختلف حصیاں وچ تقسیم ہے جنہاں وچ وسطی کوہ ہقار، کوہ تبستی، کوہ ایئر، صحرائے تنیر تے صحرائے لیبیا شامل ہن۔ صحرائے اعظم دی بلند ترین چوٹی ایمی کوسی ہے جیندی بلندی 3415 میٹر ہے تے ایہ شمالی چاڈ وچ کوہ تبستی دے سلسلے وچ واقع ہے۔

صحرائے اعظم وچ کل 25 لاکھ افراد رہائش پزیر ہن جنہاں دی اکثریت مصر، ماریطانیہ، مراکش تے الجزائر نال تعلق رکھدی ہے۔ اتھاں رہݨ والے باشندیاں دی اکثریت بربر نسل نال تعلق رکھدی ہے۔