صحارا

صحارا دا ریگستان دنیا دا سب توں وݙا صحرا ہے جیندا رقبہ 9،000،000 مربع کلومیٹر (35 لاکھ مربع میل) ہے جیہڑا تقریباً امریکہ دے کل رقبے دے برابر ہے۔ اے شمالی افریقا وچ واقع ہے۔ انگریزی زبان وچ اینکوں Sahara آکھا ویندے جیہڑا دراصل عربی لفظ "صحرا" دی جمع ہے۔

صحارا دا علاقہ ہر 20 ہزار سال بعد 6 ہزار سال دے کیتے ساوا تھی ویندے۔ ایویں ایں کیتے تھیندے کہ زمین دا محور خود 26 ہزار سال وچ ہک چکر مکمل کریندے جینکوں Apsidal precession آہدن۔

Sahara satellite hires

صحارا دے مغرب وچ بحر اوقیانوس، شمال وچ کوہ اطلس تے بحیرہ روم، مشرق وچ بحیرہ احمر تے مصر، جنوب وچ دریائے نائجر دی وادی تے سوڈان واقع ہن۔ صحارا مختلف حصیاں وچ تقسیم ہے جنہاں وچ وسطی کوہ ہقار، کوہ تبستی، کوہ ایئر، صحرائے تنیر تے صحرائے لیبیا شامل ہن۔ صحارا دی بلند ترین چوٹی ایمی کوسی ہے جیندی بلندی 3415 میٹر ہے تے ایہ شمالی چاڈ وچ کوہ تبستی دے سلسلے وچ واقع ہے۔ صحارا وچ کل 25 لاکھ افراد رہائش پزیر ہن جنہاں دی اکثریت مصر، ماریطانیہ، مراکش تے الجزائر نال تعلق رکھدی ہے۔ اتھاں رہݨ والے باشندیاں دی اکثریت بربر نسل نال تعلق رکھدی ہے۔