صبر شکر
مہر حامد علی شاکر سیال لکھدن جو میں ساری زندگی صبر شکر نال گزاری جو وقت آئے جی بسم اللہ ! ہر آن تے ہر ویلھے رب دا شکر ادا کیتے ۔ میکوں شاعری اچ شاکر تخلص چنڳا لڳا۔ میں اے تخلص آپ رکھ گھدا۔ میݙے استاد پسند کتیا تے ولا لفظ شاکر میݙے ناں دا ایجھا حصہ بݨیا جو اڄ میݙے پُتریں دے ناں نال وی لفظ شاکر امدے۔ شاکر اوں ویلھے دی ڳالھ اے جݙاں سئیں شاکر شجاع آبادی تے سئیں شاکر مہروی دا ناں کائنا آیا ہا ۔ میکوں خوشی اے ہے جو اللہ سئیں میݙے تخلص شریک سئیں شاکر شجاع آبادی دا وݙا ناں بݨائے ۔ شاکر مہروی دا وی ناں بݨیا ۔ اللہ کرے سرکارؐ دے صدقے سارے لوک شاکر تھیوون ۔
حوالہ
[لکھو | ماخذ وچ تبدیلی کرو]کتاب "قیس فریدی ۔ فن شخصیت اَتے شاعری " ترتیب پیشکش : مہر حامد علی شاکر سیال ، ناشر جھوک پبلشرز ، ملتان