صبا دشتیاری

صبا دشتیاری بلوچستان دے ہک حریت پسند رہنما ہن۔ اوہ سرکاری تعلیمی اداریاں نال وابستہ تھی کے وی پاکستان دی مرکزی قیادت دے ناقد ہن۔

ابتدائی زندگی

صبا کراچی دے علاقے لیاری دے ہک غریب گھراݨے وچ ڄمے اوہ مقامی سکول توں پڑھݨ دے بعد نجی طور تے گریجوئیشن کیتا۔

ملازمت دی شروعات

گریجوئیشن دی تکمیل دے دوران اوہ حاجی عبد اللہ ہارون سکول وچ بطور استاد کم کیتا۔

با قاعدہ ملازمت

کراچی یونیورسٹی دے شعبہ اسلامک اسٹڈیز توں ماسٹرز دی ڈگری حاصل کرݨ دے بعد صبا بلوچستان یونیورسٹی وچ بطور لیکچرار کم شروع کیتا۔

تصانیف

صبا ویہہ دے نیڑے کتاباں دے مصنف ہن۔ زیادہ تر کتاباں مذہب تے فلسفے دے بارے وچ ہن۔

لسانی عبور

صبا ہمہ لسانی پہلو رکھیندے ہن۔ اوہ بلوچی دے نال اردو، فارسی تے عربی زبان تے وی عبور رکھیندے ہن۔

شاعرانہ کلام

صبا شاعری وی کریندے ہن تے مشاعریں وچ باقاعدگی نال شرکت کریندے ہن۔

بلوچستان تحریک نال وابستگی

صبا لاپتہ بلوچاں دی رہائی دی جدوجہد دا عملی حصہ بݨ ڳئے ہن۔ اوہ سرکاری اداریاں، دانشوراں، ادیباں تے صحافیاں کوں بلوچستان دی شورش دا ذمہ دار سمجھیندے ہن۔ صبا دے مطابق بلوچستان تے پاکستان دا رشتہ ہک غاصب تے غلام دا رشتہ ہے۔ انہاں نے اپݨی تنخواہ دا ہک وݙا حصہ کتاباں دی اشاعت، جریدے تے ادبی تنظیماں دی مدد کیتے مختص کر رکھیا ہئی۔ انہاں نے شادی نہ کیتی ہئی۔