صادق کاشفؔ بزدار
اصل ناں صادق محمد
قلمی ناں کاشف بزدار
جمن 1953ء
تعلیم ایم اے
پیشہ ریٹائر مدرس
فون نمبر 03346655855
جاہ پتہ سکھانی والا تحصیل و ضلع راجن پور
صادق کاشف بزدار 1953ء کوں سردار محمد حسین دے گھر سکھانی والا ضلع راجن پور اچ پیدا تھئے، پڑھ لکھ کے انہاں عملی زندگی دا آغاز شعبہ درس و تدریس توں کیتا۔جڈاں جوزیادہ عرصہ ماڈل ہائی سکول نمبر 1راجن پور اچ اپنے تدریسی فرائض سر انجام ڈتے ۔شاعری دے حوالے نال آ پ سرائیکی تے اردو ڈوہائیں زباناں وچ شاعری کریندن، جگ مشہور شاعر محسن نقوی (مرحوم ) دے شاگرد ہن۔جڈاں جو آپ دیاں کئی شعری کتاباں وی منظرِ عام تے آچکیاں ہن۔
(1) غزل
[لکھو | ماخذ وچ تبدیلی کرو]جئیں وقت میڈا یار میڈے گھر توں گزردے
ہر شخص میکوں جان دا دشمن وی نظردے
ہے اوندی محبت دے سبب جان سلامت
لکھ لوک میڈے غیر بنن میڈے شہر دے
ہر لحظہ میڈا ویری ہے سجھ لہن دے ویلے
او وعدہ کریندے تاں بہوں جلد مکردے
توں اوندی وفا ڈیکھ اوندی طرزِ ادا ڈیکھ
چُن چُن تے ودا رکھدے میڈے ٹوٹے جگر دے
کاشفؔ میکوں اُمید نہ ہئی اوندے رُسن دی
ترٹ گئین سہارے میڈے انجان سفر دے